هذه محاوره بيني وبين اخوي الشاعر ابو طلق

ابن بطوطه=
ماعاد نقدر كذا ما عاد = كُثرالجفا بينك وبيني
كل ما أقرّب تزيد بعاد = وكم مرّه أعطيتك يميني
ياكم ما أخلفت لي ميعاد= والحين وين انته وويني!!
عيد النظر واحسب الأبعاد= لابد ترجح موازيني
لقياك عيد ... وعسى ينعاد= لو كان محدن يهنيني
وان كان مالك معي مقعاد = لاغبت وش ذنبها عيني؟؟؟
ابو طلق=
ياخوي ياعزوتي واسناد=يامن عن الناس مغنيني
حكيك كما السيف شفّه حاد = ونّيت من ضربته فيني
وابحتمل ضربته لو زاد =باصبر على سيوف اخييني
لو كنت ما اخبر خطا يا مراد =عذراً مادامك مخطيني
ولو القدر في يدي ينقاد=ماغبت عن ناس تغليني
لازم على غيابنا تعتاد=ماهي بيدينك ولا يديني
ابن بطوطه=
يانهر دجله... أنا بغداد =في ضفّتك زانت سنيني
لو كان جار الزمان وساد= تبقى لي العذب ترويني
ولو فرّقت بيننا الاضداد=ومرّغ عراقيبي الطيني
باقف فوجه الزمان عناد=الويه والاّ يلاويني
يانهر كم لي وأنا أرتاد = شطّك .. وذكراه فجبيني
والا الزمن .. جملته أعداد = ولابد في يوم ماضيني

[/align][/poem][/poem]