قصيده بمناسبة مشاركة ابل العميد صالح البدراني

قصيده لشاعر/ ممدوح البدراني بمناسبة مشاركة ابل العميد صالح عيسى البدراني
بمزاين الابل بمنطقة تبوك للعام 1431هـ

لاهنت ياراسٍ تنغمش حمياك= على الرفيق ومن لجالك خدمته
الطيب يجري مع مجاري خلاياك= وخد الكرم بسمك ياصالح وسمته
تفزع لمنهو لدبرة بالزمن جاك= وسلمن لجدك وانت بعده لازمته
تقصر خطاو الاش وتِبعد خطاك= ومن كسبة الناموس غيرك حرمته
ياحر ياللي ماوطاء الشرق حلياك=ياللي يبشر بالعشاء لازهمته
يابن الوفي ماخاب منهو تنصاك = لو زادك يبيه بطيب خاطر قسمته
تلطف على الاقراب واداحم اعداك = ولا الك عدو يكود والله هزمته
كلمة نعم تنقال لاحل طرياك = وتقصر متاصل خط طيبآ رسمته
طاريك يشبه للقمر بين الافلاك=لابان فوق الكون يجلي اضلمته
والذود والله يبيض الوجه يزهاك=والفوز بعيون الجماهير رمته
ذودآ يجمل لابتك لاعدمناك=وتستاهله دامك سما المجد حمته
الرقم الاول عادتك يجعل يفداك= خبلٍ مسد الواجبه لنهمته
ارقى سنود الله يحفظك ويرعاك=وحنا حزامآ فوق وسطك حزمته
ناقف معك وساندك لاعدمناك=ونمشي على رايك لامنك برمته
لانك وفي واصل الوفاء من سجاياك=والطيب بحرآ وانت ياشيخ عمته
ولولا وفاك وطيب راسك ومجناك= ماكان قافي فيك والله نضمته
لكن كفو يالذيب والاش يفداك= وجعلك ذخر واللي نصالك خدمته