بيني وبين الشاعرة القديرة/ نبض الوجود

نبض الوجود

يابحر شفتك هنا موجود =قلت اشتكيلك من الاوضاع
هات النصيحه علينا جود=حالي تشتت وفكري ضاع

بحر الهجيني

اللي لــفـــانا وحــــنا قعود /\/\/\ وافـــــي وله عندنا مرباع
فالحال اشرح لنا المعدود /\/\/\ و آنا لكم مصغي الاسماع

نبض الوجود

لاشفت كن الليالي سود=والصوت حولي زئير سباع
كيف الطريقه وانا محدود =وكني بذيك السباع جياع

بحر الهجيني

ما يهاب من هو وراه أسود /\/\/\ لو كان حوله السباع انواع
و هو كـل ذي نعمةٍ محسود /\/\/\ دايم و فــــــــي سكته طماع

نبض الوجود

اشتد هب الرياح بزود=حتى كشف للوجيه قناع
من كان فيه الامل معقود=اشهر لنا سيفه اللماع

بحر الهجيني

منهو نقض مشيه المعهود /\/\/\ باعك و لابـــــــــــــــد ما ينباع
ويبقى لكم فالــطريق فهود /\/\/\ فيها الرجا و الهقاوي وساع

نبض الوجود

اليوم صار الوفاء مفقود =وصار بين الانام صراع
واللي وفيّ بينهم موئود=مافيهم الا شقي خداع

بحر الهجيني

درب الوفا فــــ أرضنا ممدود /\/\/\ و بالطيب معكم نمد ذراع
و أرضٍ بها العيب و المنقود /\/\/\ سكانها الهـــم و الاوجاع

نبض الوجود

مريت درب الوفا مسدود =ولقيت باقي الدروب شراع
قلبي ولو هو صخر جلمود =من جور ما مرّ به ملتاع

بحر الهجيني

خلك على طبــعــك المحمود /\/\/\ و فالناس ياما تشوف طباع
و نجمك لنا فالسما مشهود /\/\/\ بُعْد الـــــــردى عنه مية باع