في حفل زفاف الشريف عارف بن سعد المنعمي ( فواز الزويهري وماجد أبو مديدة )

[color="blue"]السلام عليكم ورحمة الله وبركاته

الأخوة الكرام أسعد الله مسائكم بكل خير

في حفل زفاف الشريف عارف بن سعد المنعمي

دار هذا اللحن بيني ( فواز الزويهري ) وبين أخي ( ماجد أبو مديدة )[/color]

فواز الزويهري =
في حضرة أهل المثل والقيل =أهل الكرم والصفاوية
سلام وافي لكم تكميل =يهل البشوت الحساوية
ماجد أبو مديدة =
راع المثل نعرفه حلحيل =مايجالس ألا الأفندية
ترحيب ومفصله تفصيل=ونوشحه صافي النية
فواز الزويهري=
فنجال كايف مبهر هيل=انقدمه لنقاويه
عسا البقا في ملز الخيل =وأفعال الأبطال مروية
ماجد أبو مديدة =
اللي حضر مايلاقي ميل=يلقى المواجيب رسمية
هات المثل لا يجيه السيل=ويشيل هذي على ذيه
فواز الزويهري=
أنظر معي فالسحاب وخيل = البرق أخلف مناوية
أساهره وارجي التحصيل=ولياه مزن الشقاويه
ماجد أبو مديدة =
يامخايل البرق نص الليل=بين النجوم السماوية
ماهو معقب عذاب ويل=لوما الدواليل مخفية
فواز الزويهري=
بيني وبينه الجدي وسهيل = والأمر خارج من يديه
والصبح يصبح بحط وشيل =وديار الأغراب مرعية
ماجد أبو مديدة=
سويت للمسألة تحليل=بحساب مية على مية
ومالم يكون الصبر قنديل=ماتنقضي للرجاوية