إلى شاعرنا القدير: قابل البشري

معي ذكراك=
أسالك ياقابل البشري=بعد التحية وش اللي صار
لاتبيع قلبك ولاتشري=وأنت الذي عالي المقدار
(قابل البشري)=
محفوظ بين العرب قدري=محمي ودونه حديد ونار
واللي مع السارية يسري =الله يعينه على المشوار
معي ذكراك=
ماكان ودي ولاتدري=راحت عليكم ولاتحتار
لكن أمانة على صدري =أسايس اللي بدى ينهار
(قابل البشري)=
ياليت صبرك كماصبري=وليتك تجنب عن التيار
وأنت محنك على خبري=ماترمي الروح بالاخطار
معي ذكراك=
أعتاب مابيننا يجري=بيني وبينك ترى المعذار
ماقلت : ياصاحبي بدري =خل الدعاوي على المختار
(قابل البشري)=
معذوروأنا معي عذري=على كذا حالة الشعار
ويبقى الوفاء بيننا مقري=مبداه واضح خفا وجهار

معي ذكراك=
ماجيت أفرض أنا شعري=ولاشفت نفسي على المغوار
لكن أقدم لكم شكري= أنت الملك والملوك كبار