يا اهل الهوى من لقي عبّود

السلام عليكم ورحمة الله
هذه محاورة جرت بيني وبين الأخ والصديق عبدارحمن الجحدلي ( عبود ) وكان القول من عندي والرد ومن عند صديقي عبّود في احدى المنتديات قبل ثلاثة شهور وارجو ان تنال استحسانكم

جينا مـن الشـرق خيّالـه=يا اهل الهوى من لقي عبّود
قلب الشقي حالتـه حالـه=والمنتظر! بالأمل موعـود

بشّر وانا اشتقت لوصاله=مثلك ترى لخضر العنقود
ولا عل منهو شغل باله=يذكر حنين الفتى ويعود

شدّوا مع الصبـح جمّالـه=يا ليتني وقتهـا موجـود
زفـرات الأشـواق قتّالـه=كيف العمل والعمر محدود؟

عينـي إلـى الأن همّالـه=واصل السبب كاسيات العود
يـا آه عاللـي تهيـالـه=شاله ضحى والعباد رقـود

فكيتلـي شفـرة ارسالـه=لجل الهدف عندكم مرصود
وش رايك انسير جوّالـه=لا علنا نبلـغ المقصـود

اللي بقيلي من اعمالـه=بروزتها والدموع شهود
آقضّـي الليـل فقبالـه=وينك يفارس ترد نجود

الله هدانـي لمنـزالـه=وآنا على ورده المورود
الخوف من ناس قوّالـه=تخلف هوانا عن المعهود

يهناك والله ويهناله = لاعلها من سمات الجود
لصفالك الجو واصفاله = كلن كلامه عليه مردود