ديوان الشاعر الكبير: عضيب بن هليل العلوي الحربي

السلام عليكم

((((الشيخ)))))
شاعرنا العلم/ عضيب بن هليل العلوي يراء ان كلمة الشيخ
لاتطلق الا على اصحابها الثلاثه بنظره وهم شيخ القبيله محمود السير
والكريم المشهود له بكرمه اللذي جعل ماله عون له على كسب العلم الغانم
وكذلك شيخ العلم وصاحب الفضيله اللذي يكون قدوه ونبراس وعالم رباني ومنهل
للجميع العلوم المفيده ولااخفيكم سر بان شاعرنا العلم ابو بدر لايود ولايرغب من احد
ان يطلق عليه هذه الكلمه ويقول انها لااهلها اللي احق مني بها ولكنه يبقى فى نظر القبيله
ومحبين الشعر الجزل والسامي بمنزلة هؤلاء الثلاثه وهذه الابيات من شاعرنا العلم وهي بمثابة
وجهة نظر يتحدث بها حيال هذا الاسم واليكم كلمات الشاعر العلم وماجادة به قريحته حيال ذلك وهو يقول

أملاحظه عندي على كلمة الشيخ=اللي خذوها الناس دايم وسيلـه
الشيخ من ينطح وجيه المجاويخ=شيخ الجهام اللي يقـود القبيلـه
ايام سوقات العطـف والمناويـخ=شيوخ القبايل ناطحيـن الثقيلـه
والا كريمٍ من خيـار المطانيـخ=تلقـا الضعيـف دايـمٍ يلتجيلـه
منبع كـرم ماعقبـوه المتاويـخ=لعـل تفـداه اليديـن البخيـلـه
او شيخ علمٍ له مكانـه وتاريـخ=يدعى على ماقيل صاحب فضيلـه
هذا حسب عرفي وانا ماني الشيخ=وكلٍ على ماقيـل عقلـه دليلـه

الشاعر العلم / عضيب هليل بن شلاح العلوي الحربي