لحن لحن لحن مباااااشر وعجلوا علينا تكفون

فواز الزويهري =
سلام فـي بدايـة القالـه=سلام ينصى هلا الطـالات
القلب يشكي من أحوالـه=والحال يشكي وأنا ليات ؟؟
بخيتان البشري=
ترحيب سمع النداء جاله=ترحيب ياراعي الجـزلات
القلـب لابـد بـه حالـه=بسبابها الحال في حسرات
فواز الزويهري=
أنتم هل القيل ورجالـه=عسا البقا وحلل النبرات
لي قلب كل الحمل شاله=والحال زاد الألم ونـات
بخيتان البشري=
الكـل معـروف منزالـه=يامنبع الطيب ماضي وآت
المشتكي حسـب ماقالـه=لابد تشخيـص للآهـات
فواز الزويهري=
مابين هجره ورضى وصاله=القلب ضاعت له الشـارات
إن جيـت مايوفـي اقبالـه=وإن رحت يسأل عن الغيبات
بخيتان البشري=
حسب الذي قلت وأفعاله=متعاكسة بين اخذ وهات
حبل الوصل مد فحباله=وتذكر الود فيما فـات
فواز الزويهري=
مايوم قصرت فـي جلالـه=عايش معه في صميم الذات
مير أخلف الوقت إرسالـه=لا حي قلبه ولاهـو مـات
بخيتان البشري=
الكيـل لوفيـت مكيالـه=مايلحقك فالعرب شرهـات
راع الهوى حسد عذالـه=شوش على كامل الموجات
فواز الزويهري=
موزن كيلي بمثقالـه=أجزاه بالسيئة حسْنات
أختم لنا القول بجماله=لعلنا نعاود البسمـات
بخيتان البشري=
طبع الفتى شي ما نالـه=ما يتبعه كامل الأوقـات
لوكان ما زلت في بالـه=ما كان قلبه هجر لحظات

[