قابل البشري وناصر الحجوري

=قابل البشري
سلام في موعده حضّر=والداعي اللي دعا لباه
يخص ناصر ولايقصر=عن منتدانا وكل عضاه
=ناصر الحجوري
يامرحبا بالذي قـدرّ=ولبا النداء للذي ناداه
الليله المنتدى يسهر=مادام قابل قبيله جاه
=قابل البشري
تبقون والحر ماوخـر=واليا وعدله وعد وفاه
وجمهورنا الرابح الاكبر=ان كان بالحرف متعناه
=ناصر الحجوري
ماعندنا شـك ياموقـر=وافي وحرف المثل تحماه
واكثر جماهيرنـا تكثـر=لِناّ غزير المثل خضنـاه
=قابل البشري
وافي وراع الوفا يشكر=يسلم وتسلم لنا يمنـاه
ومادم ليل الصفا ازهر=نبغى معك نبتدي معناه
=ناصر الحجوري
يبغى القلم صفحة الدفتر = والحرف جمهورنا يبغاه
إبدأ معي وإفتح المحضر = وعجل على اللي معي يقراه
=قابل البشري
خط القلم من يدي عبر= عن قلب شاكي يجرالآه
من ود يسمع ولايبصر=طيبه وعطفه وماسواه
=ناصر الحجوري
ماهو في شرع الهوى منكر = لو البصير الوداد اعماه
الود اعمى ومااستنكر = قولك مشاف الذي يهواه
=قابل البشري
اشوف جهد العزول اثمر= حقق مرامه ونال مناه
وغير على الودماغير=واصبح صديقه الدعداه
=ناصر الحجوري
لاشك هذا الخبر مايسر = والشرع والعُرف مايرضاه
ورايي بعين العقل فكر= والحل فالتاليه تلقاه