ابو فرح,,سالم البشري (أمر التنفيذ فورا) دون معارضه

هذه وحده من الالحان الجميلة التي لم يكتب لها النهاية
حصلتها في دربي وانا ماشي طبعا قاعد اسوي مشروع
اصدار ديوان بكل ما كتب في ملتقى الكسرات بملتقى حرب الرسمي
عجبني هذا اللحن جدا جدا جدا
والله يعطيكم العافية ياليت تبحرون وهذه السفينة جبتها لكم على الميناء
وبها كل المطلوب من اغذية ووسائل سلامة واتصالات سلكية ولا سلكي
بدون تعليق او معارضة اطلعوا السفينة وادهروا الله لا يهينكم

ابو فرح =
اشوف سالم فوسط النيل = عايم وعينه على دجلـه
وانا من الطيب والتكميل = بوثق القيد فـي رجلـه
سالم البشري=
عوام سالم وشـد الحيـل = في خطه اللي مبرمج له
مايـرده القيـد والتقفـيـل = عن الهدف والعنا لاجله
ابو فرح=
ماقول في قولكم تضليل = واضح ولاابغى امنتجله
مير ابرهه يوم قاد الفيل = ربـك ابابيـل عرجلـه
سالم البشري=
في دربنا مايجـي تبديـل = اللـي يبينـا ندرّجـلـه
وانته تحرى المطر والسيل = والنـو غيـرك مخرجلـه