محاورتين بين ماجد أبومديده وشاعر ينبع العذب طارق قاضي

الجمعه 9 / 1 / 1429
جرت محاورتين بين أخوكم
ماجد أبومديده
&&
شاعر ينبع العذب
طارق قاضي

( 1 )

بعد الغياب الأليم المـُر=اللي تجرّعـت كاساتُـه
سلام في أول الأسطُـر=من زود شوقي ولوعاتُه
يا مرحبا والمسا أصفـر=يامن على الطيب وقفاته
وللي على المنتدى يسهر=في ليل محسوب ساعاته
قصة ألم حرفها مايسـر=تحكي عن الجرح وأهاته
في خاطري كل يوم تمر=باسبابها الليـل ماباتـه
الآن أبدابـه المحضـر=عن حالة الجرح وسواته
وأسعى معك قد ماأقـدر=وأشرع لكم في مداواته
جرحي كتمته سنه وأشهر=وغضيت عن كل زلاتـه
لازال بالذنـب مايشعـر=بالرغم من كثر غلطاتـه
ماني من الوضع مستنكـر=مـادام ضيـَّع مساراتـه
عاتب لأن العتـب يجبـر=وتقرب على المرء خطواته
أنا بفن العتـب أخبـر=لكن من بعـد سياتـه
شمّع لي الباب بالأحمر=وقفّل جميع إتجاهاتـه
إنت جعلت الوفا مصـدر=صادِق معُه في مُداراتـه
واللي على الطيب مايخسر=لابـد يحظـى بغايـاتـه

( 2 )

قبل الهوى يتم ميلادُه=وأعيشها نشوة الميلاد
قلبي سبقني لميعـادُه=لما تهيـأت للميعـاد
راعي الهوى يعرف أبعاده=اللـي توصِّلـه للميـراد
ومـادام مابـان ميـراده=لايطاوع القلب فيمـا راد
آنا مـع الليـل وجهـاده=أسهر وأشوف السهر مافاد
ماهـل عزفـُه وإنشـاده=حلمي تلاشى وحلمُـه زاد
اللي سِهـر ليـل مافـاده=وطرفه معه في عنا وجهاد
يستحمل الحِلـم وإلهـاده=لايقول عزف النغم ماجـاد
كيف اهتني واكسب وداده=وانا على جمره الوقـّاد
معقول ما شاور فـؤاده=يهدِم ويبني صروح جداد
يجوز قصّرت في إسعاده=وماشاف فيك الوداد وداد
إصبر على نـار وقـادُّه=يمكن فؤادُه معك ينقـاد

ويصحابنا سامحونا

للمعلوميه أن اللحنين كانت مصادفه ليلة فوز الإتحاد على الأهلي
.. لهذا نرى مردود الأخ الشاعر طارق قاضي
( يامرحبا والمسا أصفر )
علمآ بأنه مشجع إتحادي

ماجد أبومديده