ديوان كسرات الشاعر ماجد عبدالله الجدعاني الحربي ( أبومديدة )

لحن جديد
ماجد ابو مديدة&&
أحمد العامودي
يوم الأحد ليلة الاثنين
الموافق 22|1|1430ه

شفنا في بحر الغرام احوال=متقلبة في طواريها
الصد والود والعزال=ومكابد جروح نخفيها
بحر الهوا ما تدوم له حال=راعيه لازم يراعيها
وان كان ماهو وسيع البال= يتّعِب حياتُه ويشقيها
فالحلم مانعرف الإهمال=كل المصاعب نماشيها
لكن سهم الهوا قتال=أحوالنا ما يداريها
ما عندنا شك فالأقوال=أللي بالأمثال تبديها
ومادام فيها قتل وقتال=روحك لها وش يوديها
الود سيْر ثقات رجال=وقلوب صلبة معنّيها
مالوم منه عنُه في جال=ساحاتنا مانزل فيها
كل قلب من عادته ميال=للّي بالاعيان يرعيها
مير الهوا دايمآ محتال=ولابد نحسب تواليها
وش ينفع القلب لنُه مال=والروح زادت مآسيها
يرضيك ماتقول فيه آمال=وقدام لا أموت تحييها
أللي مع الود صال وجال=ويحاول النفس يرضيها
لو صح له من يده مثقال=شربة من الود تكفيها

ويصحابنا سامحونا