(محاوره جديده)

اخواني
الاعزاء
في
ملتقى
حرب
انقل
لكم
هذه المحاوره
وهي محاوره
لي مع اخي الشاعر/ عبدالرحمن بن دواس ألأحمدي( فارس العرب)
واتمنى ان تنال اععجابكم

خالـد عبـيـد معـتـوق =
لجلي اعدك مـن الشعـار = اللي علـى ذوق منطوقـه
باخذ معك باللحن مشـوار = دام الشعر لاحـت بروقـه
عبدالرحمن فارس العـرب =
يامرحبـا شعـت الأنـوار = ترحيب ساخن لك نسوقـه
مثل المطر حرفكم مـدرار = يسقي لنا القاف وعروقـه
خالـد عبـيـد معـتـوق =
تبقى لنا مفخـره ووقـار = شفت النجم قدرك يفوقـه
نشكي ونعرض لك الاسرار = اللي عن الغيـر مدروقـه
عبدالرحمن فارس العـرب =
بين لنـا الحـال لاتحتـار = لاتشاجي القلـب وتعوقـه
نبحث عن الحل بالاصـرار = نسري مع دروب مطروقه
خالـد عبـيـد معـتـوق =
جسر الموده وقع وانهـار = وتنكد القلب فـي شوقـه
مابه رسالـه ولا مسيـار = مابين عاشـق ومعشوقـه
عبدالرحمن فارس العـرب=
خلك على المسأله صبـار = وداري الخـل فـي ذوقـه
يجيك حالي كمـا الجمـار = من بعدها تشاهـد فروقـه
خالـد عبـيـد معـتـوق =
طولت صبري على المكار = والوقت بانت لي افتوقـه
يحرق فؤادي لهيب النـار = من بعـد ماتـل معلوقـه
عبدالرحمن فارس العـرب =
القلب سالم من الاخطـار = لو كان شفت اللهب فوقـه
والود صاير عليـه ستـار = ماتلحقـه لفحـة حروقـه
خالـد عبـيـد معـتـوق =
عسى عدانا تـذوق أكـدار = اللي من الحـال محموقـه
صابوا عصى ولفنا بشقار = وروحي من الضيم مشنوقه
عبدالرحمن فارس العـرب =
لاثارت الريح معها غبـار = وخايف على الطلع فحلوقه
محسوب مثلك من الشطار = لاتراعي عقـول مطفوقـه
خالـد عبـيـد معـتـوق =
عطيتنـا نصحكـم بقـرار = لجل الشرف عارف ٍ سوقه
راضي بما تحكـم الأقـدار = ولا قطّع حبـال موثوقـه
عبدالرحمن فارس العـرب =
ارويتني مـن زلال أبيـار = يوم الشعر شـع فشروقـه
فارس ومعدود فالمضمـار = البستك التاج مـع طوقـه
والمنتدي يجمـع الأحـرار = وعلوم الاجـواد مسبوقـه
هذي تحيه لكـم مـن دار = يامرحبـا دوم منطـوقـه

وياصحابنا سامحونا