محاوره مع الشاعر خالد عبيد معتوق الاحمدي

هذه محاورة تمت بيني وبين الشاعر خالد بن عبيد معتوق الاحمدي (صقر المراقيب)

أمل ان تحوز على بعض من استحسانكم:

خالد عبيد=
سلام مني لكم مرسول=يحمل لكم ورد مع كادي
يالصاحب اللي عليك القول=أغليك من داخل فؤادي
حامد الاحمدي=
اعداد مارش المطر وهطول=واعداد ماسال فالوادي
يامرحبا والغلا مبذول=ترحيب راقي مهو عادي
خالد عبيد=
هيا استمع ثم جيب حلول=للوضع يا ريس النادي
فاق السهد حده المعقول=وفارقت زادي مع رقادي
حامد الاحمدي=
أسمعك يالشاعر المأهول=واجيك يوم انك تنادي
هات الذي عندكم بكمول=يأتيك حلي مع ارشادي
خالد عبيد=
انا بلايه هوى مجمول=عقب على الكبد قدادي
باب الصفا بيننا مقفول=ويجازي الطيب بعنادي
حامد الاحمدي=
ياما عذاب الغرام يطول=راع الهوى دوم فجهادي
اللي زرع يجني المحصول=خلك على الصبر معتادي
خالد عبيد=
إن جيت ابشكي على المسئول=واشرح له الوضع ومرادي
تسجل قضيه على مجهول=ويفرح بما صار حسادي
حامد الاحمدي=
ماظن في المشتكى مفعول=لاتزيد في القلب لهادي
ان كان تبغى العذاب يزول=خل الأمل عندكم بادي
خالد عبيد=
ويش حيلة اللي غدا معلول=كثر الصبر فيه مافادي
مسكين في حالته مذهول=والود طاغي ومتمادي
حامد الاحمدي=
هيا استمع حلنا المشمول=وابعد عن العشق ياستادي
لاتصير في حالتك مملول=خلك على الموقف الهادي
عيش السعادة وفل فلول=وليل الآسى اتركه غادي
ويوم الفرح تعلنه بطبول=وختامها خالص ودادي

وسلامتكم

=
=