5 زهرات متواضعه من بستان أبومديده (الخميس 20/8/1429)

بعد التحيه والإحترام
أقطف لكم هذه الزهور المتواضعه
من بستاني الخاص
لعلها تحوز على رضاكم
1

آمّنْتك الروح وأشواقي=تصونها مثل ماآصونك
أظهرّت لي ودك الناقي=وبانت خيانتك في عيونك

2

عُمر الوفا مايعوِّد نقص=والنقص مِن عادة المايل
ياطيب غالي ومايرخص=الشك بيناتنا زايل

3

قلبي عليه الآسى زايد=ومن جور قلبي سقيت الكون
تغثبر العِّد والوارِّد=كُل يوم يرمي في جوفه لون

4

في حساب الأيام دورّنا=بين العقل والجهل ساعه
لكن قِنعنا وعذرّنا=يوم أصبح الوقت شمْاعه

5

لاتحسبِّني مثل غيري=ياساحر الناس بعيونك
مِن كُثر حُبي وتقديري=سِرت أكره اللي يحِّبونك

وسلامتكم
مع تحيات أخوكم
ماجد أبومديده