ديوان الشاعر قابل البشري

هذه المحاورة جرت بيني وبين شاعر حرب الكبير عبدالكريم المزروعي في حفل زفاف نجل الشاعرالأستاذ أحمد العمودي ليلة الأربعاء الموافق 12/2/1429هـ بجده أرجو أن تحوز على إعجابكم

قابل البشري=
سلام رده على منهاج=تمشي على حسب سايرها
تمشي على الدرب مايحتاج=وايامها ماتغيرها
عبدالكريم المزروعي=
ترحيب ياللي بدعت العاج=الليله الله منورها
مافيه مدخل بلا مخراج=لكن ربك يدبرها
قابل البشري=
تبقون يانجم ياوهاج=في مبتداها وحاضرها
نبغى المعاني لها مدراج=وانته وانا مانحيرها
عبدالكريم المزروعي=
واقلبي اللي غدا فانواج=والعين شابت مناظرها
غديت مثل الجمل لاهاج=والنفس ضاقت بصايرها
قابل البشري=
لاياجمل لايجيك إزعاج=لو كان دارت دوايرها
ومثلك لبس بالمعارف تاج=اللي بعيده يحضرها