محاوره مهمه جدا كانت خلف الكواليس ---

هذه المحاوره جرت بيني وبين القريشي الثاني- الشاعر ناصر الحجوري -وقدتم استدعاه لبحر الكسره من قبل انسان لن اذكر اسمه ولاكن الشاعر ذكر اسمه في المحاوره ونكشفت المؤامره التي ضد بحر الكسره- رغم ان البدع الاول جلس ثلاثه ايام والشعار يدخلون ولم يتم الرد عليه حتى جا الفزاع وقام بالرد==

بحر الكسره =
عندي دوا للكبود طيـب = للي شكى من الـم فيهـا
اصل الدوا عندنا مايخيب = جرعه من البحر يكفيها
ناصر الحجوري=
عليك طيب النباء لايغيب = هذب حروفـك لقاريهـا
كلمة عسل للكبود تثيب = وماتمنع لسان راعيهـا
بحر الكسره=
قول البحر دوم لتصويب = اسهوم للقلـب يعطيهـا
النجم عن مطلعه مايغيب = وانت حقيقتـك تخفيهـا
ناصر الحجوري=
سالم فهمني وسالم ذيب=والذيب يفهم مراميهـا
تحتاج الاهداف للتدريب=ماكـل نبـال يرميهـا
بحر الكسره =
عجزت تعطي معي وتجيب = الـروح لابـد نشفيـهـا
الطـب نعطيـك بترتيـب = كبدك ترى الـدا معضيهـا
ناصر الحجوري=
جيرت هذرك على اهل الشيب= اللـي تثـمـن معانيـهـا
ولو بانسحب عنك ماهو عيب= عاقـل وحاسـب تواليـهـا
بحر الكسره =
من يرمي النفس لتجريـب = قيفان يصعـب تجاريهـا
غايب عن الدار كيف ينيب = غابت بالافعـال طاريهـا
صب المعاني لنا تركيـب = في بحور ماتشوف عاريها
العقل يحتاجلـه توضيـب = لحيتـك بالشيـب داريهـا
ناصر الحجوري=
لجل المعاني نغم تطريب= حيـن الحناجـر تغنيهـا
ماودي اخرج عن التهذيب= وانزل بحرفـي لواطيهـا
العقل بأهل العقول يهيـب= حشمه لأهل خبت واديها
لو جيت أبأخذ بثار كليب= يردنـي عنـك قاضيهـا
بحر الكسره =
بان الهدف جابك التجليب = صفحتك بالبؤس اطويهـا
ان كان جيت البحر تهريب = روحك من البحر ارويهـا
جاك التشنج مع التصليـب = الكـي ينـفـع يداويـهـا
خل المعاني لاهل الطيـب = بالجـود والـود نشريهـا