البحارخالد وماجد ابومديده / تـغـيــر الــوقــت واشـقــانــا

السلام عليكم ورحمة الله وبركاتة
*

*

*

*

*

*

البحار=
تغير الوقت واشقانا=وغير علينا طبايع ناس
شوف الزمن وين ودانا=بعد الوفا ذاك والنوماس
ماجد=
عناك وقتك وعنانا=والناس فيهم ذهب ونحاس
شرواك بالطيب وافانا=وانته وانا للموافا ساس
البحار=
نبع الوفا منكم جانا=صافي هميله بدون قياس
لاكن من البعض شكوانا=اصحاب كانوا عصابة راس
ماجد=
عِد الأدب سال واروانا=ارويتني كاس تلو الكاس
نصدر فالأصحاب فتوانا=لاشفت الأسباب فالكراس
البحار=
في ملتقى حرب مرسانا=كنا جنوده وله حراس
يشهد على فعلنا بنانا=ما قدره وصدق الوسواس
ماجد=
حرب الحريبة لها خانا=في قلوبنا والعدو ينداس
والملتقى حماك وحمانا=لو شكك الظالم اللواس
البحار=
مبداك وافق لمبدانا=لجلك علم عندنا نبراس
كيف امنع اللي تبلوانا=وغدره تفوق على جساس
ماجد=
اهل الغدر ناس تعبانا=تعريفهم شرذمه وانجاس
ومادامها غدر وخيانه=اقضي على شرهم بالفاس