رواق القلب

سالم البشري=
تصارعت في رواق القلب=طــعــون الايّــــام وآمــالــي
حظ الموده رضي بالغلب=في كل جوله طلـع خالي
أبو سالم الرحال=
لصراع الأيام بذل الذرب=يـلـقـاه فالـتـالـيـه حــالــى
ومنهو لوده يدور طب=يشريـه لوبالثمـن غـالـى
سالم البشري=
كيف اتجنّب هجير الحب=ياصاح واسلم من الصالي
عجل عليّه قبل لايشب=قلبي وجاوب على سؤالي
أبو سالم الرحال=
الـحــب غـالــب ولايـغـلــب=فـى كاسـه المـر والحالـى
وناره على المبتلى تلهب=حــراقــهـــا دوم مــتـــوالـــى
سالم البشري=
مهما يكن فالغرام الصعب=هيّن ولاشك يحلالي
بس البلا وقتي المتعب=ماحقق اللي على بالي
أبو سالم الرحال=
الوقت معروف مايلعب=لجله ذهب والسعر عالى
وكل شى لنّه لقيله ذرب=مايضيع له ربح فالتالى