( مرسول وافي ) للغالي وليف الشوق مع التحية والتقدير 0000

بخيتان =
سلام للأهل الوفا منصاه = مرسول وافي لهم مني
عجل موصى يحث خطاه = عساه عنهم يطمني
وليف الشوق =
يامـرحـبـا والـمـنـى مـلـفـاه = الصاحب اللي سأل عني
عـنـدي مـعـدات ومـعـانـاه = اهــــــد يـــاخـــوك وابـــنّـــي
بخيتان =
يبقى صحيبي ولو جيناه = من بعد وضح ولا كنّي
نكون عن شغله اشغلناه = لو كان رحب ومتمنّي
وليف الشوق =
تسلم وشرواك مانشناه = ودي اجاريك ياالفني
لاكن من الهم فكري تاه = أدعي عسا الله يخارجني
بخيتان =
آمين0 مثلك ليا شفناه = اعوام لقلوبنا نهنّي
ودك على مثل ماتبغاه = مايغيره راعي القني