كملت ياراعي التصريف = جاني وفا منك وارضاني

العامودي =
دخلت باحد المنازل ضيف=أهله من اهلي وجيراني
واليوم سلو عليه السيف=وكأن بالدار تجفاني
أسأل هل القن والعريف=بعد الذي شفت باعياني
أجلس مع الدار واهله كيف=واصفح ومعذار ماجاني
أبن وازن =
لاجيت كل العرب وقيف = تشريف يامن لكم شاني
مكتوب في بطاقة التعريف = اليوم واحد من اخواني
تكميل جيتك معي تكليف = من حرب فزاعة العاني
منك العذر من معاني الهيف = لو كان من عندنا الجاني
العامودي =
كملت ياراعي التصريف=جاني وفا منك وارضاني
رغم ان مافي الأمر تحريف=أخطى معي اعز صدقاني
ولحرب دايم ظلال مريف= و شرواك عن حرب كفاني
و ابعتبرها سحابة صيف=عساه مايعيدها ثاني
أبن وازن =
لله درك على التوصيف = حكيم منهجك لقماني
يبقى النخل فالرحاب منيف = شامخ ولا يجيه نقصاني
يطرح ونستطعمه تشريف = وعرجون بالطيبه داني
وان ماطرح تستظله طيف = ونعيش في ظله الهاني

ودمتم بود