وش عاد لو فيها المصالح تنامت

البارحه عـقــب اكــثر الناس نامـت
طار الكرى عـني وجبـت المــعاميل

سـوّيت لي فـنجال والنـفس شـامت
عــن طـاري النمّه وشبك المـحابيل

في صحصحٍ فـيه الخـباري تطامت
بين النــفـود وبيـن ذيـك الـغـرامـيل

بعـدي عــن الديـره وناسٍ تـشـامت
يسـوى كــنوز سويـسرا والبـرازيل

وش عاد لو فـيها المصالح تــنامت
الـبر يسـتواها وشــتوف المخالــيل

فـي فــيضـةٍ فـيها الزماليـق قـامـت
ترقص مع النسناس عقب الهماليل

ريحـة نفلها يـوم فـــاحت وعــامت
طـيبٍ يحـتبّونه زحــول الرجاجــيل

لـــو اللّذايــذ للـمــناعــيــر دامـــت
مـاغـابت القـمرا ولاطوّل اســهـيل

التوقيع مساعد الجليدي