لحن.(زاد المعانـي جمـال وذوق ).مع الشاعر/ محمد بن حجيج الاحمدي

/
/
/
/
/
/
/
/
/
/
/
/
/
/
/
/
/

محمـد بن حجيـج الاحمـدي =
من ابن عـم لولـد عمّـه=خالد بن عبيد بـن معتـوق
سلام والشّعـر مـن فمّـه=زاد المعانـي جمـال وذوق
خالد بـن عبيـد الاحمـدي=
يامرتبـط دمّــي بـدمّـه=ابن حجيّج رجل مصدوق
ترحيـب راقـي وفالّقـمّـه=ياشاعر ٍ للجـزال ايحـوق
محمد بن حجيج الاحمـدي=
قبـل انثـر القيـل وآلمّـه=المعذره والحقـوق احلـوق
لو ينزف الجرح من همّـه=نبراه حتى يـزول العـوق
خالد بـن عبيـد الاحمـدي =
لاتنثره وانـت مـن ضمّـه=وراع النقا للعذر مايسـوق
واللي نزف من ضررّ سمّه=اعطي له امضاد لين ايروق
محمد بن حجيج الاحمـدي=
كيف اجمع الشمـل وآزمـه=ويزول عني لهيب الشـوق
قبل الأسى يرتفـع سهمـه=والظّلم يصبح علي مطبـوق
خالد بـن عبيـد الاحمـدي =
بالطيـب والرفـق والهمّـه=اطوّق اللي صعيب اطـروق
وش الذي خفت من غمّـه=بالحرف ترجم لي المنطـوق
محمد بن حجيج الاحمـدي=
بذلـت لـه ميـر ماهمّـه=لجلـه تعّـلا وروّح فـوق
لـه عيـن ماتنظـر لكمّـه=وانا مركّب لحـم وعـروق
خالد بـن عبيـد الاحمـدي =
سايسه كانـك تبـا تخمّـه=واصحى يشوفك منه محموق
واللي روى من صفى جمّـه=ايكتّم اهل الكبـر والبـوق
وياصاحبي ماهـي امطمّـه=الطّعُم يطرح فحـول النـوق
ولوكنت معمي عيون امّـه=يمديـه فحبالكـم موثـوق