ابراهيم الحردي (عقب الغياب اللي تبرره الاسباب)

عقب الغياب اللي تبرره الاسباب
سلام تسليمة وفي من غيابه

البعد ما يمنع مواصيل الاحباب
اهل الوفا والطيب واهل المهابه

لاجل الوفا نفتح مغاليق الابواب
والوقت لو يقسى ما نحسب حسابه

ولاجل الوفا نرسل مراسيل وكتاب
ولاجل اخوتك نرقـــــا سحابه

اصحاب شفنا وانتهو كل الاصحاب
في خوتك اخذت درس الكتابه

عشنا ما بين خائن وكذاب
والصدق من فعلك وكلٍ درابه

ما بيننا يا صاحبي عٍناد وعتاب
ما بيننا اكبر من اهل وقرابه

سلام يا منزل دموعٍ من اهداب
فرقاه اقسى من كلام وعتابه

شرواك ياساعد له حساب وحساب
والشعر في مثلك يزين خطابه

يشهد بقولي الله رب الارباب
ومن ثم تشهد لك رجال الذرابه

يالله ترزق صاحبي جنة اعناب
وتدخله في جنتك بين الصحابه


اهداء الي رفيق الدرب والشاعر الكبير

ساعد بن حمدي بن حمود الجدعاني

قصيده مرتجله اتمني ان تنال علي رضاه والقراء

اخوكم

ابراهيم الحردي

--------------------------------------------------------------------------------