الانـــقــــاذ الـــعــــاجــــل

..
...
....
....
.....
......

.......

.......


.......

مادمت ياحمدي العوفي ترى إستاذي=تلميذك اليوم والله رايح(ن) فيها
ما باقي ألا يشق الثوب ويهاذي=من سبة اللي جروحه ما يداويها
وانا منول عن ادروب الهواء جاذي=لاكن من بعد شوفه صرت ماشيها
يالين حبه تمركز بالحشاء ولاذي=باقي مع الروح لين الله يدعيها
نظرات عينه عليها سهم نفاذي=لرسل على القوم ماتاصل هقاويها
وهرجه ليا من تكلم شبه رذراذي=يسقي عروق المحبه لين يرويها
واليوم طاوع كلام الناس ونحاذي=ولا عاد يبغى محبتنا وطاريها
ولافيه غيرك ليا من قلت الانقاذي=يقدر يرجع محبتنا وماضيها

رد الشاعر / حمدي العوفي

يابو عبيد أستمع لي يابن الافذاذي=معك المواقف تناديني واناديها
عرفت قصتك واللي صار مع هاذي=اللي انظرتك وحصل لك من بلاويها
جاتك مع الصبح وأنته دربك يحاذي=مع دربها وأستويت بحر صاليها
غيدا نظرها قوي وتقل فولاذي=واليا سطا بالضماير بان خافيها
ماعاد يمديك سهم الحب جذاذي=يجذ معلوقك وشكواك تبديها
وتنسى الحياه الهنيه والتلذاذي=وكل السبايب عيون(ن) قل واليها
ونصيحتي كثر ابقول التعواذي=من شر عينن تصيبك في مباديها
وأرجع لربك وذكره للعقل غاذي=وأرفع يدينك مع اللي ترفع يديها