محاوره مع الشاعر محمد سعد اليوبي

يقول : محمد سعد اليوبي

عبر الفضاء يا حمـد أود =نبحث أمر شيء ما ينقاس
لكن قبل في الحلول نمـد =سلام من صادق الإحساس

الرد
حمـد عتـيـق اليـوبـي

يا محمد اخذ معـك وارد =بين لنا امرك الحسـاس
من بعد ما جيت يد بيـد =يا مرحبا يا جويد الساس

محمـد سـعـد اليـوبـي

تبقى .. وما أروع المشهد =في جو صافي وإستئناس
لكن بعض ناس ما تسعد =لاجله سقاهم مرار الكاس

حمـد عتـيـق اليـوبـي

الـعـام عــدا ولا ينـعـد =صفحات سوداء لبعض الناس
والظاهر أنـه بعـد ماسـد =الـدرس مانبـه الـحـراس

محمـد سـعـد اليـوبـي

المشكله عمهـا مجهـد =وخطابها من ظهر قرناس
ومهما ألآم الجروح تشد =يدفع ثمنها كبير الـراس

حـمـد عـيـق اليـوبـي

وليها ما اهتنـا بمرقـد =وخطيبها ما يجيه نعاس
لكن .. من حضها الأقرد =باقين زمره من الأنجاس

محمـد سـعـد اليـوبـي

بعد أن تهايل عليها السـد =والراس وقعت عليها الفاس
منـهُ يفيـد الـذي إنهـد =حيله .. قبل تُقْرع الأجراس

حمـد عتـيـق اليـوبـي

رأس الهرم قالها من جـد =ما يُتْرك العلم في القرطاس
وبأمر الله الناس ما تنكـد = يحَفْظِهم الله من أهل البأس