نصيحه

لاشفت خلك له كثير الهواديف=صـعـبن علـيك تـوقـــفـــه عنــد حــده

لا تحط راسك للعضى والمجاديف=فــي شــي ماعندك له اسلاح ضده

ماكل ماتصدر تعود مناكيف=بــعـــض الصــوادـر مالــها فــيــك لــده

لاتقول هاذي من حسين التواصيف=مالك ومال مـــطــرحات ألأشــده

اللي لياضاقت عليك المحاريف=طشـــت عليـــك أشـدادها فوق عــده

علة نحر لاجات بعض الصواديف=وماتــعمــله في سنيـن فوقك تهده

خلك مع اللي مقدارات التكاليف=اللي فـــي لازمـــها هنـــوفن تســده

طيبه وعزة نفس عند المواليف=وفلة حــــجاج وللقـــبل مستـــعـــده

ماتشتكي من ضايقات المصاريف=وعــميـلــها فـــي الله دايـــم تـوده

حره توايق فوق روس المشاريف=وان جاء نهار الضيق طيبك تعده

هاذي نصيحه لك ماهي تصانيف=مــن واحدن جرب من الوقت شـده

والخاتمه فكر في حسن التصاريف=وعلمن يجيب الخير بالفعل بـــده