ٍ][ .. حنا الحــروب ..][ ... !!!

السلام عليكم ورحمة الله وبركاته

اسعد الله أوقاتكم بالخير والمسرات ..

مشاعري إتجاه قبيلتي الغاليه .. والتي مهما كتبت من الشعر لن أُوفيها حقها ...

ياهاجسي والشعر يبغى مضامين=والناس ما ترضى بغير الجزايل
عطني من الجزلات بيتين بيتين=وبالله جنبّني البيوت الهزايل
من شآن لا بانت بوجه الكثيرين=تبري كبـود ٍ من عناها علايل
وتقـّر فيها عيون ناس ٍ عزيزين=وتردّ للتاريخ .. بعض الجمايل
ويامهرتي طبي بوسط المياديـن=مـدام خَيّآلك ... يعسّـف الأصايل
من عادتك يامهرتي ما تحيدين=دايـم مكانك بالصفوف الاوايل
ولو دارت الدنيا على الزين والشين=والله ما ننسى قديم الفعايل
خوينا نكفيـه شـر المعـادين=نصير ضلَه عن شموس القوايل
وعدونا ما دونه إلا المياميـن=الي على حوض المنايا صمايل
حنا الحروب امرجحين الموازين=ردوه عنـّي .. ياعيال الحمايل
حنا الحروب الي على الطيب رابين=سلايل ٍ ... ياحيها من سلايـل
حنا الحروب بصادق العهد وافين=إليا نقض بالعهد راع الخمايل
حنا الحروب بدرب الأخطار ماشين=نمشي ولا نخشى جميع الهوايل
ماهمنا هرج الضعوف المساكين=الي يقولونه بليا دلايل
جرد البياد إنجوبها سنين وسنين=يضرب بنا بين العرب بالمثايل
راقين في روس الطويلات راقين=على سلوم اجدادنا ما انتحايل
أهل الثلاث المعجزات المسَمين=أكبر فخر من بين كل القبايل