من روووس حرب

هذه قصيدة اعددتها بمناسبة
تعيين الشيخ حضاض شيخ لقبائل بني يزيد والقصيدة تعبر عن محتواها ....
مع تهنئة خاصة له ولجميع قبائل حجر

ســلام يا شــــيخ ٍ تنحى بــعــد شـــاب =زهــــرة شبابه قــــادها بالكفاحي
خـــــادم وطن خادم ملك خادم أقــراب =عليه مــــن بيض الليال الصباحي
من رووس حرب اللي يفكون الارقاب =لادارت الهــيجا وكـــثر الصياحي
خـــلف لنا حضاض فـــكاك الأبــــواب= لـــقفلن والحـــق عــــود شحاحي
نعم السلف نعم الخلف جاب مــا خاب =شـــكر وثناء لله مـجري الرياحي
نـــرفع تهانـــينا عــــلى كـــل محراب =للمبتدي واللي بـــعــد تـو راحــي
إحـــــدى ليالي الـــعيد واكتب ياكتاب =وهلن مزون الخير والبرق لاحي
يا حجــر ما يغصبك بالطيب غـصاب= فيك الرجـــال اللي تحمل السلاحي
فـــيك الـــــرجــال معديت كــل مـــرقاب= وعلى فعول الطيب تلبس وشاحي
يا ركن حرب اللي على حــصن وعـتاب =فيك السيوف وفيك روس الرماحي
يــوم الليالي عــجاف والـــوقت ملهاب= رايتك مـــرفـــوعة في كل النواحي
يا مــــصدر الإعجاب يا باب الإعجاب =يا مــــصدر الــــتاريخ دار الفلاحي
اللي حــضر يــحمل تحيات مــن غاب= عن ربعنا السحمان وارج السماحي