**** سال العسل من رواشينه ****

مسلم المحمدي

سال العسل من رواشينه = كم اشرأبت له الأعناق
الكــل منهـــم فتخمينـــه= ان العسل يمته ينسـاق
لكن هيهـــات من زينـه = يرتع دلع يقهر العشـاق
كم قلب محجوز فيدينه = يلعبها ومن فقـد مافـاق

ابوروان النويمي

ابتعد ياصاحبي عن عرينه=واحـذر يجيكـم الضيـاق
كم شخص قبلك خابرينـه=ساقه الزين وقبلـه سـاق
لاتصيـر دنياكـم حزينـه=ثم يتشمـت بكـم الرفـاق
احذر تصير الهـا رهينـه=ويصير قلبك للنشاما اشفاق

ابن خيرالله

هذا النحل دوم مغلينه=والكل دايم عليه اسباق
والكل يسألك هو وينه=يبغاه من دافع الأشواق
وان جاه خلت موازينه=مايحتمل لمحت البراق
والنحل يعرف محبينه=يختار بالكيف والأذواق