( محاورة رباعية ) اهوال جابت معاها اهوال = اللي لها ناس طــلابه

بخيتان وعلي عيد=
ياهل المعاني نبى الامثال = تمشي على حرف نرقابه
حتى نخيم معه فالعال = في حضرة اهله وكتابه
حرب وحفيد الحجيري =
ابشر وحنا معك فالحال =والقيل ما نتوِّه رْكابه
هات الجزيلة وهاك جزال =والحر في راس مرقابه
بخيتان وعلي عيد=
تسلم وجات الحمول ثقال = معّها العقل كثرت انشابه
اهوال جابت معاها اهوال = اللي لها ناس طــلابه
حرب وحفيد الحجيري =
ما ارضى على مثلكم مثقال=مثقال ذره ما نرضابه
الحاصل اللي شغلي بال=ما ارتاح لين اعرف اسبابه
بخيتان وعلي عيد=
حيرة بها الفكر حط وشال = من علم في مجلس البابه
قسيسهم صدق الاقوال = ودستوره الكل يدرابه
حرب وحفيد الحجيري =
جيتوا على الجرح يا رجال=عصابة تقاوم عصابة
والشعب ما بينهم لا زال=مجروح من يجبر مصابه
بخيتان وعلي عيد=
رحتو 0 ومفتاحها مازال = هذيك الابواب في غيابه
بين الجهل والعقول جدال = بأسباب جاهل لهم جابه
حرب وحفيد الحجيري =
من بعد عتم المثايل زال=الان هيا اسمع الجابة
الريح عمره ما هز جبال=درب الشقا لا تشقابه