يالهاف روح لاترد العلومي = ترى الخبر وجهين ياشر ياخير

اعرض لكم هذه القصيد وهي من الماضي
واتمنى ان تنال اعجابكم

تدفعني الهقوه لمبدى الرجومي=والخوف يمنعني ليا سار تحذير
ياالهاف روح لاترد العلومي=ترى الخبر وجهين ياشر ياخير
لاقلت يوم الهاف قدام يومي=سعود لد النظر يم المسيدير
مساعداته من ثلاثه رقومي=ومضمن الشيال زايد دبل قير
حدوه بين جديده وام دومي=وثار الرصاص وصيح العبد تيسير
قلت اقفل القسام وانت مخدومي=يانعنبو ذا الخشم يانافخ الكير
العصر تزمر مع كبار الخشومي=وتقول ياوجداه يادقت الزير
والان صار البرد عندك سمومي=يابارد الذرعان يابن قنيطر
من لايفادي مالحياته لزومي =الموت سنه والمنايا مقادير
وروح وفوقه يطلقون السهومي=وعهدي بهم ياسعود في وادي البير
غابت عليه الشمس سد الحزومي=مصبحً مابين سلع وجبل عير
هذي حلاته لهكبن النجومي= ماباقي الايصفر الطير للطير
ولياه عند ابواب بيته يحومي=مع السلام اقول صبحت بالخير
عمهوجتٍ ماحاولوها الرخومي=ولادوجو باطرافها عوير وصوير
من الطفوله لاحلاال الحومي=وانا اعرفه ماقول لك حلم تفسير
فنجال من كفه نهاية همومي=وراعي الهوى ماياسألك وش بعد غير