( مادام راسك عليه اعقال ) .. مع الشاعر القدير / مشعل الحربي

/
/
/
/
/
/
/
/
/
/
/
/
/
/
/
/
/

مشعل الحربي=
ســلام رده تـسـر الـبــال=منهـاجـه الـديــن والـمـلـه
اتخص خالد عريب الخال= اللي حشيم ٍ عـن الزلـه
خالد بن عبيد الاحمدي=
ترحيب يصحب بطيب الفال=واطيب من الكيف بالدلّـه
ياصل لمشعل حفيد ابطـال=ودرب المناقيـد مايـدلّـه
مشعل الحربي=
يبقيك يامرجح المكيـال=يامعـزب القـوم والحلـه
ونا فصدري هموم ثقال=مثل الجبـال الـلي مطلـه
خالد بن عبيد الاحمدي=
عيناك يارجل نسل ارجال=والجود في منسبك جلّـه
وضّح كنين الصدر فالحال=حتى نساعـدك وانحلّـه
مشعل الحربي=
لي خل كنه سراب اللال=خـلا ّ فجوفـي كمـا المـلـه
وش الطريقه ولو بالمال=نـدفـع ولا عيـشـة الـذلـه
خالد بن عبيد الاحمدي=
مادم راسك عليه اعقـال=ماضن بيبهذله خلّـه
وابشر ترى بالرجال اجبال=معـاك ماتقـول لابـلّـه