البــــــارحــــــــــــــــــــــــــــة

،،
،،
السلام عليكم ورحمة الله وبركاته
،،
،،
عسى أن ترتقي إلى ذائقتكم
،،

البارحة في الخبت من دون مدسوس=في جو صافي والهواء حيل جذاب
هجعت في نومي وفي القلب حاسوس=باسبابه آريت العجب والتعجاب
أريت لي أذناب تمشي بلا روس=وأريت لي روسٍ تِمشَّى بلا أذنـاب
وأريت لي حيٍّ على الباب جاسوس=لا يدخـل السـدة ولا يفـارق البـاب
وأريت منه بندقه دون نادوس=وفي محزمه بارود مع حرق شباب
وأريت نابٍ طع في عرقه السوس=وأزرا طبيب الناب لا يعالج الناب
وأريت لي ريس بعد كان مريوس=يامر وينهى في طويلين الاشناب
وأريت من سموه ضرسٍ من ضـروس=ولاشفت له نابٍ ولا شفت مخـلاب
وبعد ما أنا أخذت من كـل هاجـوس=وحطيت لي بيـن الصناديـد محـراب
أيقنت أن الشعر في الـرأس نامـوس=ولا يطوله النامـوس رجَّـال هبهـاب
وعرفت أن السر لا صار مدسـوس=راعيه ما ينصاب لـو كـان منصـاب
وأن الحياة دروس فـي بطنهـا دروس=كل ما قِفَلت كتاب تفتـح لـك كتـاب
هذا وأنا ما خفت من ريس الروس=لا قلت للي يحسب الهرج بحساب
أحب خشمك يافهد طيعني دوس =من ينقلون الهرج ما بيـن الأقـراب
ترى فتحت القوس .. ما بأقفـل القـوس=يالين ما أسمع قولـة الطاغيـة تـاب

محمد سعد اليوبي سلمت ودمت وصح السانك وعلا شانك



دمت طيبا ولاعدمناك يالقرم



تحيتي وتقديري

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

وبعد ما أنا أخذت من كل هاجـوس
وحطيت لي بين الصناديـد محـراب
أيقنت أن الشعر في الرأس نامـوس
ولا يطوله الناموس رجَّـال هبهـاب

محمد سعد اليوبي .. صح لسانك

ولاتنام مرة ثانية وأنت مهموم واذكر الله

علشان ماتشوف أحلام مزعجة هههه

ولاعليك يالقرم الدنيا لسه بخير

الشاعر القدير محمد اليوبي صح لسانك يالقرم على القصيده

قصيده رائعه

صح لسانك يابو هاني
ابدااع وتميز

لاهنت

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك ولاهنت

قصيده طيبه من راس طيب

لك تحياتي

صح السانك مليووون وبيض الله وجهك على هذا الابداع

حقيقه يا خال مبدع وممتع


صح لسسسسااانك مليااااااااااار يالقرم


وتستحق



*****



تحياتي لك


محمد