ديـوان الشاعر / نفاع محمد السهلي ابوفـــرح

نظرة عيون العليل تقول = يالايمي فالهوى مهلاً
عن جرح قلبي انا المسئول = ليس لكم بالأمر دخلاً

ابوفــرح=
سـلام ينصـى عيـال العـم = مـاخـص لـفـلان وفـلانــي
اللـي بـأحـوالـنا يــهتـم = افـرح بــشـرواه لاجــاني
ضخ الهوا في خلايا الدم = جرعه مـن السـم واردانـي
بيـن الألـم والأمـل والهم = اصــارع الـمـوت وحـداني
سالم البشري=
ترحيـب وافـي لمـن يزهـم = منّـي نيابـه عـن اخوانـي
جيتـك ملبّـي وكلّـي دعـم = بالحـال والـمـال ولسـانـي
هذا الهوى من عهد آدم = عــنّــا خــلايــق وعـنّـانــي
ماحـي يسلـم مـنـه مـالـم = يعبـر معـه شـط الامانـي
احمد الجابري=
يا مرحبا بالذي سـلم = وعمم سلامه على اخوانـي
لابـاس لابـاس ياابن العم = لاباس جـعل الالم فاني
واللي جرالك يا كم وكم = ما انته لوحدك ترى تعاني
ذي سكـة الحب ما ترحم = نـقتل ولانـعـرف الـجانـي

ويلاه .. ياقسوة الأيام = وسنينها اللي علينا تمر
ماتمسح الدمع للأيتام = ولاترحم اللي شرابه مر

ياما على العاشقين تمر = من ذكريات الغرام ايام
مرت معاها سنين العمر = ماكنها الا وهم واحلام

ابوفـرح =
ماكان ظني ابد ياسرور = بعد الحيا هل واسقاها
ذيك الفيافي تعوّد بور = وتجف الابيار من ماها
سرور البشري=
هلـيـت يابـوفـرح كـالـنـور = وهـــذيــــك لله مــشــكــاهــا
وماتبورلو حالها مستور = ولاتجـف بعـد الله ارواهـا

مالي في ذيك المراوي شف = ياوارد العد ورشاها
خليتها بعد ماها جف = للي من العام يبراها

غريب عايش وفـ( بلادي ) = محروم من شمسها والفي
والأغرب ان الأمر عادي = عندك ولاكن حاصل شي

دكـتـور لـيـه الـــدوا قـلــي =ليـتـك تـعـوّد وراك شــوي
ماينفـع الطـب مـع الـلـي = مرحوم وانته تشوفه حي

كثر الملاوع يغث البال = فتح عيونك 00 وشوف الدرب
لو المراجل لها فنجال = مايشربه غير ربعي حرب

للعز .. والمجد .. والهيبه = الله خلق فالحياه رجال
ماتلد في راعي العيبه = ولا تجاريه مهما قال