ديوان الشاعر(علي بن عيد البشري)

عهدي بقلبي نهار الأمس = ظهرالأحد يوم قابلته
اللي بطرفه همس لي همس = لا نلت قلبي ولا نلته

ماحني جبيني لغيرالله = سبحانه الواحد المعبود
ويمناي مامدها والله = ماغيره اللي علينا يجود

[/quote]

ابوجواد البشري=
قلبي تعودعلى الطعنات=وقساه من قو طعناته
الناس وقت المنام تبات=وانا اسهراليل ماباته
ابوعيد البشري=
كم اكتيوينامن الكيات=من قبلكم ذقت كياته
يامشتكي من قسى الاوقات=ياتيك لينه فأوقاته

نسنس علينا نسيم الفل = = وعطر لنا الجو نسناسه
ولما صفالي وريحه هل = = جانا الذي عكره وحاسه

[/quote]

سعيد خلف ابوجواد =
سعيد اسمي واعيش احزان=معناه واقع غلط مايسير
افيدني كان با لا مكان= ياتي لنا الردباتعبير
الرد ابوعيد =
لوبالاسم ماحزن فرحان=ولاهم جاله ولاتعكير
السعدفي طاعة الرحمان=ومن خالفه تاه بالتفكير

[/quote]

إبليس يغريك في ذاتك=كل المعاصي يحلويها
لاتحمل الروح سياتك=نهارة العرض تشقيها

خا لد عبدالمحسن السيد=
سلام يللي بكم حكمه=واعطاكم الرب حسن الرّاي
الشاهد الله لكم حشمه=فالي قسى رايكم شرّاي
علي عيد البشري=
ترحيب باللي بدا نجمه=اللي لفاني على مسرّاي
غزر الوفاء ساسكم عمه=اعرف مزاجه وكن قرّاي

ناشت قلبي ابيه يجوز = ويجوز عن الذي مشقيه
ماهوعلى ليامهم ملزوز = وش عاد بعد الجفاء محريه

سعيد خلف البشري =
من جرح مايعالجه دكتور=بارقى شهادات علميه
انوح حتى طلوع النور=إلياطلع زادني شويه
نشرح لك الوضع نبغى شور=ولاتدري الناس وش فيه
لادين يرضى ولادستور=ولاقوانين وضعيه
علي عيد البشري=
قول الذي علمهم ماثور=للمشتكي حلول سلميه
لن كان جرحك بدى من جور=ماله علاجات طبيه
لواعرف الطب في لاهور=لاحضره لك في يديه
واللي حصلك بهتان وزور=ماتقره احكام فقهيه

[/quote]

ممشوقت القد حوريه = احتار منها العقل مذهول
من عينها سهوم فوريه = مفعولها للقلوب يطول

[/quote]