سخـر جهـوده بالوفـا للقبيـلـه..

القصيده للشاعر / سعد بن هذيل الفريدي,,, يعبر فيها عن ثنائه وتقديره لجهود
الاستاذ / فايز موسى البدراني في البحث والتأليف وخصوصا عن قبيلة حرب ,,

يـا لله يالمعبـود مِنجـي دخيلـه=ياخالق المسلم على فطـرة الديـن
تستر عيوب الحال حـزة عميلـه=في ساعة ياقف بها الخلق عاريـن
وتجعل لنا من كل بيضـا جزيلـه=وعلى صواب الحق توفيقك الزيـن
ومن بعد هـذا نبتـدي بالجميلـه=منظومة العرفان تنصـى الوفييـن
تنصى الرجال أهل الوفا والفضيله=اللي على حقوق القبيله حريصيـن
مثل ابن موسى بالعلـوم الجليلـه=نجم لمع للي مع الـدرب ساريـن
فايز ابن موسى عريـب السليلـه=يستاهل البيضاء صبـي البداريـن
الله يكـثـر بالنشـامـا مثيـلـه=ومن القبيلة عـل شكلـه كثيريـن
راعي هلا يمنـاه ماهـي بخيلـه=في مجلسه تلقى الرجـال الثقيليـن
سخـر جهـوده بالوفـا للقبيـلـه=أعيانهـا وفرسانهـا والكريميـن
وثـق فعايـل محتميـن الدبيـلـه=تاريخهـم وامجادهـم والعناويـن
بالبحث والتوثيـق نـال الطويلـه=خادم قبيلة حرب وسط الدواويـن
بطون المراجـع مبتداهـا ودليلـه=ما يختلف بالقول في رايـه اثنيـن
يا محرّفين القـول خلّـوا سبيلـه=اقروا فصول المجد والماضي الزين
وتاريـخ للوقعـات عنـد الثميلـه=فيها الأدلـة والشواهـد براهيـن
موثقـة بالكتـب نعـم الحصيلـه=في كل دار ومكتبـة تـارد معيـن
وتاريخ طيبه بالوثايق يجـي لـه=وعلم الكنانة وأنقرة عنـه داريـن
وأصل المرابط للخيـول الأصيلـه=وايضاً الأحادي والقصص والقوانين
كـل المراجـع بالوثايـق كفيلـه=تحكي عن الماضي وفعل الشريفين
وعن حملة الباشه يحـث الوسيلـة=جاب الحقايق في كتاب المضاييـن
وسفن الصحاري بالدواويـن قيلـه=يقراه من يجهل وسـوم البعاريـن
علومِ تشـرًف بالمجالـس نبيلـة=ميراثنا بالمجد لـو دونـه سنيـن
تروي ظما العطشان من سلسبيلـه=وتبقى ذخر للي بالاصلاب باقيـن
ما خصها لأجل التجارة تجي لـه=حب القبيله والوطن وراثـه ديـن
حق على اللـي ينتمـي للفضيلـه=حفظ الجواهر مثل حفظ الملاييـن
يا لابتـي ياهـل العقـول الثقيلـة=كونوا لفايز في مسيـره معاويـن
حتى المقابل يطّلـع مـع زميلـه=يقرا عن الماضي وفعل القديميـن
أهل العزاوي والسيـوف الصقيلـه=بافعالهم تكحـل عيـون المعاديـن
نرضِى ونزعل كل نفـس عليلـة=ليا بانت الغيره مع المنطق الشيـن
يقولها اللي ما عرف وش بقي لـه=عمر الفتى محدود والخلق ماشيـن
وعلى الرسـول ختامهـا وتهليلـه=صلوا عليـه وسلمـوا يامياميـن

منقول من منتديات :مجالس الفرده

اولاً - ياهلا و يامرحبا بك يا ابو حراب في ملتقى حرابة الدول بعد هذا الغياب . و الجميع يسأل عنك و متعطش لقلم ابو حراب.

ثانياً- صح لسان الشاعر / سعد بن هذيل الفريدي و ماقاله هو الصحيح . و ابو تركي يستاهل و لا احد يجهل جهود ابو تركي تجاه قبيلته حرب الذي سعى بشتى الوسائل و تعب من شأن جمع و اظهار تاريخ حرب حرابة الدول الذي كاد ان
ان ينقرض و ذلك بسبب الإهمال من افراد القبيلة . و لكن قيّـظ الله لهذه القبيلة هذا الابن البار.

أسأل الله ان يطيل بعمرك و عمر ابو تركي. و شكرا لك ابا حراب

سلمت ودمت يابو حراب وبيض الله وجهك على نقل هالقصيده الطيبه مبنى ومعنى


ومليون صح السان ابن هذيل الفريدي وماقال الا الصحيح بيض الله وجهه

وجهك


وابو تركي يستحق واكثر لاعدمناه



وانت وافي وافي يابو حراب وبيض الله وجهك



تحيتي وتقديري

صح لسان الشاعر : سعد بن هذيل الفريدي , ويستاهل مؤرخ حرب , وبيض الله وجهك يابوحراب على النقل . لاهنت .

	المشاركة الأصلية كتبت بواسطة حميدان العوفي

	اولاً - ياهلا و يامرحبا بك يا ابو حراب في ملتقى حرابة الدول بعد هذا الغياب . و الجميع يسأل عنك و متعطش لقلم ابو حراب. ثانياً- صح لسان الشاعر / سعد بن هذيل الفريدي و ماقاله هو الصحيح . و ابو تركي يستاهل و لا احد يجهل جهود ابو تركي تجاه قبيلته حرب الذي سعى بشتى الوسائل و تعب من شأن جمع و اظهار تاريخ حرب حرابة الدول الذي كاد ان ان ينقرض و ذلك بسبب الإهمال من افراد القبيلة . و لكن قيّـظ الله لهذه القبيلة هذا الابن البار. أسأل الله ان يطيل بعمرك و عمر ابو تركي. و شكرا لك ابا حراب

على البقا يابو ناصر لاعدمناك

غيابى لظروف طارئه وانا ان غبت عن الملتقى وربعى بالجسد فالقلب معهم والشرف لى فى مشاركتهم واشكر الجميع واشكرك خاصه على المشاركه والاضافه الجزله واقول معك صح لسان الشاعر الفريدى وابوتركى كفو ويستاهل ومعروفه على الجميع حفظه الله.

	المشاركة الأصلية كتبت بواسطة محمد عبدالله البدراني

	سلمت ودمت يابو حراب وبيض الله وجهك على نقل هالقصيده الطيبه مبنى ومعنى ومليون صح السان ابن هذيل الفريدي وماقال الا الصحيح بيض الله وجهه وجهك وابو تركي يستحق واكثر لاعدمناه وانت وافي وافي يابو حراب وبيض الله وجهك تحيتي وتقديري

حياك الله اخوى محمد شرفنى مرورك وتقبل تحياتى وتقديرى.

	المشاركة الأصلية كتبت بواسطة مريع العييل

	صح لسان الشاعر : سعد بن هذيل الفريدي , ويستاهل مؤرخ حرب , وبيض الله وجهك يابوحراب على النقل . لاهنت .

لاهنت يامريع شكر مرورك وبيض الله وجهك.

صح لسآن قآيلهآ ونآقلهآ لاهآن

ويستآهل ابو تركي علومه غانمـة

مشكور يآ ابو حراب

يستاهل الدكتور فايز البدراني
صح لسانك مليون على القصيده
والله يـعـطـيـك الـعـافيـــــــــــة

بيض الله وجهك