مجاراة للشيخ عائض القرني لااله الا الله

بسم الله والحمد لله والصلاة على رسول الله اعزائي رواد هذا المنتدى العريق اهديكم هذه المجاراة المتواضعة للشيخ
الفاضل د عايض القرني ولو انها تعارضة مع موضوع الشيخ ولاكن حسبنا منها الأجر والثواب وقد نضمتها بين جناح
الخوف والرجاء وتحقيق مقتضى هذه الكلمة وهي الوسيطية التي ندين لله بها ولست الأقزم من طلاب كلية الشريعة المبتدئين
تفضل علي دعاة وعلماء اجلاء فكانو نعم الموجه لتخرج القصيدة بهذا الشكل ان اصبت فمن الله وان اخطئت فمن نفسي والشيطان انما اقول:
ماقال الفرزدق لايعاب سيد اذا صبا ولاشاعر اذا كبا ولا صارم اذا نبأ

لااله إلا الله ابلغ حديث من خطاب=وأجمل أسطور على الصف خط أكتابها
لااله إلا الله الزاد منها والشراب=نور عيني زاد روحي وماتحيابها
لااله إلا الله الرشد يوم الغي غاب=نورة وجه البسيطة وسيع أرحابها
لااله إلا الله انزلها يوم الحراب=جند في بدر المسلمين يوم اغلابها
لااله إلا الله أكمل عمل وأرجى احتساب=القبور الموحشة سلوه لغرابها
لااله إلا الله أم الفرج واعلى الشعاب=البلاد أمانها عزها وحجابها
لااله إلا الله يوضعبها يوم المئاب=تسعه وتسعين سجل على كسابها
لااله إلا الله اشرف حسب واعلى انتساب=وأجمل أنهايات روح ولو ينعابها
لااله إلا الله ا نفيك يازور الرباب=واثبت إن الله اله البشر وهابها
لااله إلا الله أسرج بها عجل النجاب=لين عني وجه الأرض اتقت بقطابها
لااله إلا الله العالم السفلي خراب=جنة الفردوس حسننا يلوح اخضابها
لااله إلا الله افتح بها للخلد باب=جنة الفردوس مفتاح كل أبوابها
لااله إلا الله ابن المنبه عنها أجاب=كلمة تاريخ الإسلام ماقفابها
لااله إلا الله مفتاح واسنانه آداب=يفتح المفتاح لاجبت جمل آدابها
لااله إلا الله أسنانها قد الحساب=سبعة من دونها ماتعز أربابها
لااله إلا الله اعلم بها عين الصواب=واقبل بها يابن ادم على ماجابها
لااله إلا الله أيقن ولا إيجيك ارتياب=حبها من حب بالعدل من نادابها
لااله إلا الله نقاد فيها بالمجاب=وامتط الإخلاص عن شرك من ثنابها
لااله إلا الله اصدق بها مثل الصواب=لاشكيت من العلل ثم زرت اطبابها
لااله إلا الله واشرط ماعنه انسحاب=انتبرى من الطواغيت مع رهابها
لااله إلا الله ولا غلو أهل الرهاب=لا ولا سلك المعاصي ومن يسعابها
لااله إلا الله أومن لوازمها اجتناب=بدعة في شرع الإسلام مايهدابها
لااله إلا الله اصدق مديح في جناب=وأحسن الأذكار واخير مايدعابها
لااله إلا الله المدح من دون الحجاب=والجبال الطور دك الجليل أهضابها
لااله إلا الله المدح لايذهب سباب=البشر تعبيرها في حدود ألبابها
لااله إلا الله الكون سبح واستجاب=والبنـ ادم قصته عثرت يرثابها
لااله إلا الله إلي عالم سد الغياب=ياكريم أدلني جابة ترضابها
القصايد والخطابة هباب في هباب=والمعاني بالذهب لو يحل أنصابها
مات عبر والبحر حبر والكون الكتاب=كل مادرت النضر وأية تقرابها
لاخمد النار المطر لاح بالوبل انشباب=في قنوف تدفق الماء غزير أعبابها
كل شي منه حي الشجر هو والدواب=جل من يخضربه الأرض عقب إجدابها
والبحر هذا أجاج وهاذ مستطاب=بينهن برزخ ماتشوف أحجابها
يصطفق ثلثين فا الأرض ماغطى الكثاب=والوطى تحته بحور ولايربابها
مير هل من معتبر هل من أعقول نجاب=منهو اللي ساغها في بديع إعجابها
كم وكم من أية في ثناياها العجاب=تاخذ الإنسان في لجة يفهابها
تشهد انك واحد لاشريك إلك يناب=غاب عنها زيف الأديان وما غابها
يالله يكاف احمنا وكفنا شر النشاب=فكنا من كربة يرهقن أنصابها
مالنا غيرك نصير ولا لنا غيرك مناب=ترتجيك الخلق في يسرها وان شابها
ياجليل الملك يارافع سبع قباب=ماهد سبع من البيد مايضفابها
يامحلي بالعسل من قفي صفر الذباب=يااله النور والنار ياشبابها
مشفي المرضان ممرض عباقرة الطباب=خالق الأرواح والأرزاق ياكتابها
أعفو عنا يامجير النبي من العقاب=واعفو عن امة محمد وعقب أصلابها
أنت ياغفار مستغفرك عبد وخاب=فيك يطيب المضنه على حسابها
الصلاطين المهابة ذهاب في ذهاب=كلهم في قبضتك لو تغز أرقابها
ماعليها من البشر لوبنت تبر مذاب=ذلها الله بالفنا لويطول إعجابها
اسالك بسماك وصفاتك الغر النقاب=واسالك بأي المدينة جميع أحزابها
واسالك بالواجبة واسالك بالانتداب=وأربع خير من الفانية واطيابها
ودعوة ذ ى النون نادابها بطن الخباب=حزة فيها الدعاوي مضن إيجابها
أعفو عنا واجزنا جنة الحور العراب=فكنا من نارك الموقدة وصوابها
جيتلك كلي ذنوب استحق ابها العتاب=ولحسبني شاكر نعمة تجزابها
مار طمعني معاذ على متن الركاب=عن رسول الله برواية يروابها
أتوسلك بالأيمان خير الاكتساب=واعترفلك في ذنوب وأنا اللي صابها
والخطيا وزرها والحساني والمثاب=للبشر والمعتلي عز وش يبغابها
الخلايق صرفته بذهاب أو بالإياب=والله ماتقضي من الأمر مايقضابها
شعرة تقل أنهم في مجراة الشهاب=والله ماتدفع من البطش ماينوابها
كاد روس الكيد وأصبح عليهم في تباب=الصلاطين البغية ضحى ولابها
الله كم من قيصر من صناديد الغلاب=السنين العابرة داربه دولابها
لاتقل هذا كبير وهذا يهاب=الكبير الله دع الناس في مانابها
كل ما تبصر من الروس سادات اللقاب=نملة لوضفة الريش بشر إذهابها
من غباهم لانجو من على ضهر الغباب=اخلصوا في دعوة شركهم مشابها
اشركو لامن نجو واكلو تلك النصاب=كيف مدري عضموها ولايعبابها
أومن غباهم يعبد القبر مزبور التراب=والقمر والشمس والله عليه أغيابها
ونملة تسبق تضارعيهم يوم الطلاب=وعنكبوت يسحر الجند نسج العبها
الضفادع والجراد أعيت القبط الصعاب=والدبا ويش أهون من الدبا جندابها
طالع أهل السبت ماتو بصيد في عباب=وابرهه قومه بسجيل طير صابها
وعاد كأعجاز النخل حطهم عصف المهاب=ونكس الله قوم لوط على أعقابها
كلهم عبد الهوى ياذئاب بطن غاب=كل ماتقوى تبي تنهشه بنيابها
لاترجاهم تراهم ضباب في رباب=فوض أمرك للمهيمن ولا تشقابها
ملك كسرى وين ولا وجاه ابن كلاب=زرمقابرهم شف الدهر وش سوابها
والختام صلو على الحاشر الهادي المجاب=السحايب عد ماهل من سكابها

القصيدة على اليوتيوب اداء سليمان عبد الله الحصني

الله الله الله الله الله الله الله الله

صح السانك مليون يانواف

أشهد بالله أنك جاريت من يستحق المجاراه وأنك أجدت بهذه المجاراه الرائعه بكل ماتحمله الكلمه من معنى

وجدت في هذا المتصفح جميع أنواع الابداع لابالموضوع ولا بالطرق ولا بالشيله ولا بكل شي

وبيض الله وجه الي يشيل القصيده

نواف الحصني شكراً لك على هذا الحضور الراقي

دمت بخير

الشاعر القدير نواف الحصني صح لسانك وبيض الله وجهك

على المجاراه اللي تبيض الوجه ياابيض الوجه

وفيت وكفيت تحياتي وتقديري

اخوي نواف
صح لسانك وبيّض الله وجهك
قصيده تجاوزت قمّة الأبداع قصيده تحمل اجزل واصدق واثمن المعاني
جزالت الشي لاتأتي الأ من جزالة صاحبه وقصيدتك جزله وان دل على شي يدل
على جزالتك وطيبك يابن العم ...الله يوفقك الى مايحبه ويرضاه

تحياتي وتقديري

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

الشاعر الكبير/ نواف الحصني
صح لساانك مدد بلاعدد
قصيده رااائعه وجميله

لاهنت لاهنت لاهنت
على هذه الرااائعه


درر ماشاء الله تبارك الله
ولاغراابه فانت من قبيله الشعراااء



ننتظر جديدك

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

صح لسانك وسلم بنانك



قصيدة رائعه بروعة حضورك



لك تقديري

(لاالـه إلا الله أول غلـو أهـل الرهـاب=لا ولا سلك المعاصـي ومـن يسعابهـا)

الاخ نواف صح لسانك اولا
ولكن ارى ان هذا البيت في غير محله وبقية الابيات ما اقول غير بيض الله وجهك
تقبل مروري ياولد العم