ديوان الشاعر ( حفيد الحجيري )

مرحـــــــــوم مرحــــــــــــوم يا فيصل =ومعاك الأمجاد مرحومه
موتك وفقدانك الفيصل=لأمجاد كانت لها حومه

العقيلي=
ياصاحبي ودنا ناصل!!=ونحقق اهداف مرسومه!!
لكن اخبارنا تاصل!!=فيها احاديث ملغومه!!

الحجيري=

وهكذا المنتخب واصل=لأنّ الأهداف معدومه
وأخبارنا ناتج الحاصل=وكلا على حسب مفهومه

البني طوبه على طوبه=متخالف البني ما يعمر
وحرية الراي مطلوبه=والشعر ما فيه خط أحمر

فبداية العام فأول يوم = يا نفس هذي وصاياتك
يا نفس قبل القيامه تقوم = تكفين عيدي حساباتك

فيصل الاحمدي=
يالله ياللي رزقت الدود= ورجّعت موسى على أمّه
الأم يرجع لها المفقود = وابو أنس ينفرج .. همّه
تحيتي=

]

الحجيري=
آآآآآآمين ... يا ربنا المعبود=يا فارج الهم والغمّه
تقرّ عين أمّ هالمولود=بوليدها ... وحضنها يضمّه

بخيتان=
يابن علي ياوليد الفن = بأجمل هدف احتضنت الكاس
ماقصروا نجومنا لكن = مابه قدم للهدف حساس

الحجيري=
تسديدته قبل ما تسكن= مرمى وطنّا شديد الباس
أصابت القلب في مكمن=في مكمن النبض والاحساس

بخيتان=
قلنا بهم نحصده يمكن = ولايمكن المستوى مقياس
زمان كنا الذهب نحضن=بوجود جلاد للحراس

الحجيري=
ذكرتنا اللاعب الكبتن=اللي تساوي قدمه ألماس
عليه الأمجاد يتكئن=ياما حسمها بضربة راس

فيصل الاحمدي=
لمّا سمعت الخبر فالحال = ياصحابنا .. هلّت .. العبره
أحمدك يامنزل الأنفال=يامن لك الأمر والدِبره
تحيتي=

الحجيري=
الحمدْ لله على كلْ حال=اللي جزى الصابر بصبره
عداد مزن الحيا الهمال=و عدّ القلم خط به حبره

[/b][/size][/center]

الصامت=
يابو علي جعلها أفراحك = من أول العام معك تدوم
تسعد بدنيتك وجراحك = تقولها..(بآآآي) بعـد اليوم

الحجيري=
يسعد مسائك و أصباحك=ويسمعلك الواحد القيوم
يا تركي الطيب فوّاحك=وحرفك دوا يبري المهموم

[/center][/size][/color]

الحجيري=
يابو عمر شفتلي ديره = كانت على العز من مبطي
واليوم عن تمرها خيره = لا عاد تاخذ ولا تعطي

حرب=
ياحر ياطيب السيره=ماقول في قولكم مخطي
ولااكون في يوم في حيره= والمملكه خيرها مغطي

تكفين تكفين يا أمريكا=عميّ سلاماً ولو شهرين
ودقي للأحباب مزيكا=واستقبليهم فنون العين