هاجوس انتحاري

البارحه جاني هاجوس انتحاري = يقدم ولا يهاب المعاني الخطيره
متحزم بناسف حزام انفجاري = وفجر ينابيع الحروف العسيره
يامبدعين الشعر حالة طواري = استنفرو جات المزون الغزيره
اللي بها برقً قشع فالغداري = واضحى نصيف اليل كنه ظهيره
مستاقته صلف الهبوب الذواري = والخوف لاجات السيول الشهيره
اللي طمرت جده بوقت إلظهاري = بلمح البصر راحة نفوسً كثيره
سيلً عرم مسرع بسرعة فراري = ولاصادفه مجرى وسدً يديره
ومجرى السيول اصبح مخطط تجاري = مشروع سرقه معتمد من مديره
والمشرف اللي يدرج فالحواري = اتلاء الدوام يروح مدهون سيره
ماهمهم يا كود جمع المصاري = والمشكله لن كان داري وزيره
تحرصو جتنا السباع الظواري = وكلً على ماقيل يشعب بعيره
الوسم قرب جاكم النو ساري = وجده تحت تهديد سد البحيره
نسمع ماشاريع وتطور حضاري = واخبار تنقل من قناة الجزيره
وحنا ماشفنا غير هدم الكباري = والهدم مايرد السيول الحديره
يبغالها مشروع صرف ومجاري = وإلا تقفل بالسدود الكبيره
ولا يسلّم المشروع يد البخاري = ويروح تنقيط لعفاف وسميره
ولا بات في بيتي ولا يبات جاري = اراقب المنشى عيوني سهيره
واللي يبي درب السلامه حذاري = حذراه يُسمع وسط داره شخيره
الوسم قرب جاكم النو ساري = وجده تحت تهديد سد البحيره

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

الشاعر فايز المحيسن صح لسانك الله يسقينا سقياء رحمه ويرزق البلاد والعباد بالغيث
تقبل تحياتي وتقديري

صح لسااااانك يا فاايز

قمة المتعه


والروووووووووعه


الله يبيض وجهك يالذيب

العقيييد

صح السانك
قصيده روووعه
لاهنت

صح لسانك
على هالقصيده الجميله

بانتظار جديدك الممتع
تحيتي

شاعرنا العذب
فايز المحيسن صح لسانك وبيض الله وجهك
لاهنت لك التقدير والأحترام :

صح السانك وماقصرت على هالهاجوس الأنتحاري

بيض الله وجهك ولاهنت

وعسى الله يرزقنا في مطر الرحمه والله أنا ودنا بالربيع


وموفق خير بإذن الله

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك


وبيض الله وجهك على القصيدة الرائعة


دمت مبدعاً ومتألقاً