انا ابشكر بني شهران عبر النت والاعلام

صح لسانك وعلا شانك
قصيده جزله كجزالت من اصاغ قافيتها
الشاعر عضيب بن هليل ....شاعر جزل ولا يأتي الا بما يفوق حدود التوقع
وداخل ابن عاتق يستاهل المدح ولاهو غريب على ابوخالدفعل الطيب
لك مني اجزل التحايأ

	المشاركة الأصلية كتبت بواسطة عضيب بن هليل

	السلام عليكم ورحمة الله وبركاته عيدكم مبارك وكل عام وانتم بخير ومن العايدين الفائزين شد انتباهي وسرني ماريته على قناة المرقاب الفضائيه من حفل بهيج ومبهر يسر الناظرين لقبائل بني سلول شهران العريضه واستقبال طيب لضيوفهم من اعيان وشعراء من قبيلة حرب بمعية الشيخ /داخل بن عاتق الغيداني (خادم حرب) وهذا الاستقبال والحفاوه الطيبه والكرم الحاتمي الغير مستغرب على اهله وما تخلل هذا الحفل من شتى انواع الفنون الخاصه بقبيلة شهران العريضه و من قصايد منبريه لمجموعة من شعراء شهران وكذلك شعراء حرب المتواجدين وهذا التلاحم بين قبائلنا العزيزه ومثل هذا التعارف هو مكسب للجميع ومعرفة الديار اماره ومعرفة الرجال تجاره ونفخر ونتشرف بمثل هذه االزيارات وهذا التعارف وتقوية روابط اللحمه في مابيننا هي سنه طيبه ولا يسنها الا الكرام من الرجال اطال الله باعمار من سعو بهذا الترابط والتكاتف بين الجميع وهو مطلب كل وافي وهدف سامي ومن خلال هذه المناسبه وجب عليه اشكر بني سلول شهران العريضه على ماقامو به من علومٍ غانمه لهم بياض الوجه وبيض الله وجه الشاعر محمد بن عباد الشهراني وهو راعي الاوله واشكر الشيخ داخل الغيداني (خادم حرب) ومن كان في معيته من اعيان وشعراء من قبيلة حرب اللي عرفونا على قبيلة بني سلول شهران العريضه وعلى ديارهم العامره باهلها الكرام وهذه المجاره رد ثناء لشاعرهم الكبير /عمير السلولي ومهما نقول من القصيد مايوفيهم حقهم ونستبيح العذر من الجميع عن القصور -

	المشاركة الأصلية كتبت بواسطة عضيب بن هليل

	بديت بواحدٍ من يلتجي بحماه ماينضام=خبيرٍ في جميع الكائنات وجل خالقها الا يالله ياللي بالصدور المغلقه علام= خبيرٍ بالسراير خالق العالم ورازقها طلبتك يالعزيز المقتدر ياكافل الايتام=توفقني طريق الرشد قبل الكلمه انطقها نيابة عن قبيلة حرب وإلا ماعلي الزام= عليه يشرهون و ياجب الشرهه نحققها عساء فيك البقاء يالشاعر اللي بالنيابه قام= يرحب بالضيوف وكلمة الترحيب يلحقها عساء فيك البقاء عداد طيرٍ في سمانا حام=وعدد رش المزون إليا استهلت بامر سايقها سلمت ودمت يارجل الشهامه والشرف من عام= سلولي والسلولي شام للعليا وعانقها تطرقت القصيده واعجبتني من ثلاث اقسام= وشكرت الشاعر اللي بالمعاني شد رونقها سلوالفكم جميله مابكم يذكر عفن وخمام= حكولي ماحصل بالحفله اللي لاح بارقها انا بشكر بني شهران عبر النت والاعلام= وقبيلتها العريقه تفتخر في جملة افرقها قبيلة من قبائلنا العزيزه للعنيد كعام= يصدون الخصيم انكانها شبت حرايقها شكراً لمحمد العباد عقيد الاجتماع شمام= تسبب بالتعارف بالرجوله لين حققها سلوليٍ تشوق للعلوم الطيبات وشام= دليله مبتداه ويثبت العالم حقايقها طواريقه كليفه مايحصلها صبيٍٍ نام= صعيباتٍ على خطو الهلامه ميتوهقها سلمتم يابني شهران ودمتم بالسرور ودام= سعدكم يابني شهران في عالي شواهقها ذكرتم داخل اللي للعلوم الطيبات زمام= هني العزوه اللي مثل داخل من عمالقها كريم ابن كريم ومن رجالٍ يالحبيب كرام=هل الردات بالشدات معروفٍ تفوقها تراء كل النشاما للقبيله والوطن خدام =طبيعه من طبايع حرب نشرح لك طرايقها انا ربعي قبيلة حرب لصاب العنيد اوهام= هل الخيل الاصيله كنها مست معارقها عليهن من يهين المعتدي ويرجع الاخصام= طلايع حرب يوم الحرب منشوره بيارقها تراء مدحٍ بلياء اثبات مثل زادٍ بليا ايدام= يضيع كلمة الشاعر ولا كلٍ يصدقها ليامني تذكرت القبايل لي سند وحزام=تميز بالسلوم الطيبه للي يصادقها اهل جيره واهل خوه لنا بالمعجزات اوسام=قصيدي بالحرام انكان مانملك وثايقها يكفينا دخيل وقصته في واقع الاحكام= تزهل بالامانه ماتردد لين وثقها تقدم لسيف الرهيف ودش لساحة الاعدام=تقدم للشهاده دون روح الجار وعتقها تكفي قصة نويشي يومن مر كبده زام=تقضاء في يمين الخال وست ارواحٍ ازهقها ذكرنا وافتخرنا بالفعول بسابق الايام=قليلٍ من كثير وكد شرحنا عن سوابقها تمثل في قضاه الشمري في ماضي الاعوام=تراء ماقلتها بهتان وإلا كنت سارقها سمعت الشايب اللي يشتكي كانن فيه اوهام=يعدي بالطويله كان له شفٍ يوايقها يعدي بالطويله كان في راسه سطر وعرام= وتناب لخصمك المقصود وخيلك هد سبقها غداء فيه الغرور يحسبن السامعين نيام =تغطرس والتغطرس يوهم العالم ويغرقها تصور من رداء عقله جبل وإلا العباد اقزام= شهادات الغرور بصدره المغرور لزقها تحداء والتحدي مانفع قدامهم صدام=تحدى لين حبل المشنقه بيديه علقها نصيحه والنصيحه مالها في وقتنا سوام = تجنب عن طريق العالم اللي زادها اشرقها تراء الرجل المحنك يفتهم من منطق العزام= يبرق بالطعام ولقمته قبل يتذوقها تراء المسلم ليمنه تمسك بالفروض وصام=تخلص من نفاقٍ حاصر الذمه وطوقها نصيحه لاتفوتك طيعني يامفسر الاحلام=كثير من الضنون يضيع العالم ويقلقها تراء مالك طريقٍ يمنا وانعم مع الانعام=قدم شيٍ يصير ولحيت الطاغي نحلقها عطيناك النصيحه وانت برق بالطريق العام= وليا توريت النوافذ تفهم العالم منافقها تراء ماهو بشهراني ولاهو من قبايل يام= على شان عملانا بالمعاني مانضايقها ختمنا مبتدانا بالسلام وسنة الاسلام=وطلبنا من إلحاكم ماتبقى من لحايقها الا يالله يامحي الهشيم مصرف الايام=تعز الدوله اللي كلنا في ظل بيرقها الشاعر /عضيب هليل بن شلاح العلوي الحربي

ياسلام ياسلام على هالشامخه كشموخ حرب وشهران صح الله لسانك ياشاعرنا العلم/ عضيب هليل بن شلاح العلوي الحربي ويستاهلون بني سلول وشهران العريضه وحرب وكل جزل منهم ومنا ماقلت به وكفو والتعارف ومثل هذه الزيارت والترابط بين قبائلنا شي يسعد ويسر النفوس
والله يبيض وجيه الجميع واعود واكرر صح الله لسانك مدد بلا عدد يابو بدر سلمت ودمت ولانعدم
تواجدك وتقبل مني صادق ودي مع جزيل شكري واحترا مي وتقديري لشخصك الكريم
والله يحفظك ويرعاك بكريم رعايته

بديت بواحدٍ من يلتجي بحماه ماينضام=خبيرٍ في جميع الكائنات وجل خالقها
الا يالله ياللي بالصدور المغلقه علام= خبيرٍ بالسراير خالق العالم ورازقها
طلبتك يالعزيز المقتدر ياكافل الايتام=توفقني طريق الرشد قبل الكلمه انطقها
نيابة عن قبيلة حرب وإلا ماعلي الزام= عليه يشرهون و ياجب الشرهه نحققها
عساء فيك البقاء يالشاعر اللي بالنيابه قام= يرحب بالضيوف وكلمة الترحيب يلحقها
عساء فيك البقاء عداد طيرٍ في سمانا حام=وعدد رش المزون إليا استهلت بامر سايقها
سلمت ودمت يارجل الشهامه والشرف من عام= سلولي والسلولي شام للعليا وعانقها
تطرقت القصيده واعجبتني من ثلاث اقسام= وشكرت الشاعر اللي بالمعاني شد رونقها
سلوالفكم جميله مابكم يذكر عفن وخمام= حكولي ماحصل بالحفله اللي لاح بارقها
انا بشكر بني شهران عبر النت والاعلام= وقبيلتها العريقه تفتخر في جملة افرقها
قبيلة من قبائلنا العزيزه للعنيد كعام= يصدون الخصيم انكانها شبت حرايقها
شكراً لمحمد العباد عقيد الاجتماع شمام= تسبب بالتعارف بالرجوله لين حققها
سلوليٍ تشوق للعلوم الطيبات وشام= دليله مبتداه ويثبت العالم حقايقها
طواريقه كليفه مايحصلها صبيٍٍ نام= صعيباتٍ على خطو الهلامه ميتوهقها
سلمتم يابني شهران ودمتم بالسرور ودام= سعدكم يابني شهران في عالي شواهقها
ذكرتم داخل اللي للعلوم الطيبات زمام= هني العزوه اللي مثل داخل من عمالقها
كريم ابن كريم ومن رجالٍ يالحبيب كرام=هل الردات بالشدات معروفٍ تفوقها
تراء كل النشاما للقبيله والوطن خدام =طبيعه من طبايع حرب نشرح لك طرايقها
انا ربعي قبيلة حرب لصاب العنيد اوهام= هل الخيل الاصيله كنها مست معارقها
عليهن من يهين المعتدي ويرجع الاخصام= طلايع حرب يوم الحرب منشوره بيارقها
تراء مدحٍ بلياء اثبات مثل زادٍ بليا ايدام= يضيع كلمة الشاعر ولا كلٍ يصدقها
ليامني تذكرت القبايل لي سند وحزام=تميز بالسلوم الطيبه للي يصادقها
اهل جيره واهل خوه لنا بالمعجزات اوسام=قصيدي بالحرام انكان مانملك وثايقها
يكفينا دخيل وقصته في واقع الاحكام= تزهل بالامانه ماتردد لين وثقها
تقدم لسيف الرهيف ودش لساحة الاعدام=تقدم للشهاده دون روح الجار وعتقها
تكفي قصة نويشي يومن مر كبده زام=تقضاء في يمين الخال وست ارواحٍ ازهقها
ذكرنا وافتخرنا بالفعول بسابق الايام=قليلٍ من كثير وكد شرحنا عن سوابقها
تمثل في قضاه الشمري في ماضي الاعوام=تراء ماقلتها بهتان وإلا كنت سارقها
سمعت الشايب اللي يشتكي كانن فيه اوهام=يعدي بالطويله كان له شفٍ يوايقها
يعدي بالطويله كان في راسه سطر وعرام= وتناب لخصمك المقصود وخيلك هد سبقها
غداء فيه الغرور يحسبن السامعين نيام =تغطرس والتغطرس يوهم العالم ويغرقها
تصور من رداء عقله جبل وإلا العباد اقزام= شهادات الغرور بصدره المغرور لزقها
تحداء والتحدي مانفع قدامهم صدام=تحدى لين حبل المشنقه بيديه علقها
نصيحه والنصيحه مالها في وقتنا سوام = تجنب عن طريق العالم اللي زادها اشرقها
تراء الرجل المحنك يفتهم من منطق العزام= يبرق بالطعام ولقمته قبل يتذوقها
تراء المسلم ليمنه تمسك بالفروض وصام=تخلص من نفاقٍ حاصر الذمه وطوقها
نصيحه لاتفوتك طيعني يامفسر الاحلام=كثير من الضنون يضيع العالم ويقلقها
تراء مالك طريقٍ يمنا وانعم مع الانعام=قدم شيٍ يصير ولحيت الطاغي نحلقها
عطيناك النصيحه وانت برق بالطريق العام= وليا توريت النوافذ تفهم العالم منافقها
تراء ماهو بشهراني ولاهو من قبايل يام= على شان عملانا بالمعاني مانضايقها
ختمنا مبتدانا بالسلام وسنة الاسلام=وطلبنا من إلحاكم ماتبقى من لحايقها
الا يالله يامحي الهشيم مصرف الايام=تعز الدوله اللي كلنا في ظل بيرقها

صح السانك بو بدر قصيده عصما

صح لسانك
وبيض الله وجهك

تركي العماني

مضحي بن جمران

خالد فهد الحربي

عزيز الحربي

صحت ابدانكم و اشكركم اشكركم على مروركم و ردودكم و تعليقاتكم على القصيدة
و القصيدة لحرب كافه و ليست لعضيب وحده

ومن قال سالم و غانم

صح الله لسانك

قصيدة رائعه بحق

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسااانك وبيض الله وجهك

وبستاهلون شهران العلم الغانم

من شاعرنا العلم عضيب هليل العلوي

تحياتي ياشاعرنا العلم عضيب هليل

سمعت الشايب اللي يشتكي كانن فيه اوهـام=يعـدي بالطويلـه كـان لـه شـفٍ يوايقهـا
يعدي بالطويله كان في راسه سطـر وعـرام=وتناب لخصمك المقصود وخيلك هـد سبقهـا
غداء فيه الغرور يحسبـن السامعيـن نيـام=تغطرس والتغطرس يوهـم العالـم ويغرقهـا
تصور من رداء عقله جبل وإلا العبـاد اقـزام=شهادات الغـرور بصـدره المغـرور لزقهـا
تحـداء والتحـدي مانفـع قدامهـم صـدام=تحدى ليـن حبـل المشنقـه بيديـه علقهـا
نصيحه والنصيحه مالها فـي وقتنـا سـوام=تجنب عن طريق العالم اللي زادهـا اشرقهـا
تراء الرجل المحنك يفتهم من منطق العـزام=يبـرق بالطعـام ولقمتـه قـبـل يتذوقـهـا
تراء المسلم ليمنه تمسك بالفـروض وصـام=تخلص من نفـاقٍ حاصـر الذمـه وطوقهـا
نصيحه لاتفوتـك طيعنـي يامفسـر الاحـلام=كثير من الضنـون يضيـع العالـم ويقلقهـا
تراء مالك طريقٍ يمنـا وانعـم مـع الانعـام=قدم شيٍ يصيـر ولحيـت الطاغـي نحلقهـا
عطيناك النصيحه وانت برق بالطريـق العـام=وليا توريت النوافـذ تفهـم العالـم منافقهـا
تراء ماهو بشهراني ولاهو مـن قبايـل يـام=علـى شـان عملانـا بالمعانـي مانضايقهـا
ختمنـا مبتدانـا بالسـلام وسنـة الاسـلام=وطلبنا مـن إلحاكـم ماتبقـى مـن لحايقهـا
الا يالله يامحـي الهشيـم مصـرف الايــام=تعز الدولـه اللـي كلنـا فـي ظـل بيرقهـا

رسالة تحذيرية من الداهية المدمر / عضيب بن هليل الحربي بس ماندري لمن هذه الرسالة التحذيرية التي
تحمل صواريخ جوجو . و هاذي عوايد شاعر حرب / عضيب بن هليل الله يطول في عمره و يجعله ذخر لنا0
صح لسانك يا ابو بدر و شهران يستاهلون و بيض الله وجيههم على هذا الحفل و الاستقبال الطيب
و حرب يستاهلون و خادم حرب فعله يرفع رؤوسنا جميعا. صح لسانك يالمدمر

صح لسانك يابو بدر وبيض الهل وجهك

وقبائل بني سلول وشهران يستاهلون المدح 00 وانت لم تتعدى الحق

تحيتي