ديـــــوان كســـرات ( الفـــــارس )

تلذع اذا مالقيت عيوب=وتغض طرفك عن عيوبك
ياناقد الطبع والاسلوب=عجيب طبعك واسلوبك

اخلفت كل الهقاوي فيك=ماعاد بقّيت شماعه
من مد يدّه يبي يسقيك=كيف اتجرى على ذراعه

مشعل النويمي=
انا اشهد انك رجل راقـي=تكتب حروف الشعر باتقان
قليـل فامثالـك انلاقـي=ياطيـب القلـب ياانسـان
الفـــــارس=
مانزود عن راع الاخلاقي=الشاعر الهـادف الفنـان
دايم على الطيب سبّاقـي=الف اشكرك يارفيع الشان

كم كان فيما مضى ياشمس=في شوفتك سلوة المكلوم
واليوم منتي سواة الامس=اشوف دونك سحب وغيوم

( شخصيتين ) نعاني منها الكثيـــر حتى ان تاثيرهم على انفسهم واضح

سالم تخاوى مع سلمان=سوولهم في البلد شلّه
كلٍ على صاحبه شفقان=يعقد له الحبل ويحلّه

الكامل الله سبحــانه

ميزتك في روعة عيوبك=وعيبك في انك بدون عيوب
ولاالوم من حاول يشوبك=من غيظه ان كان شق الثوب

تطمن الود مهما كان=سحابة الصيف ماتلهيه
للحين عامر به الوجدان=على كثر ماتسوي فيه

وش يقنع الدون لمّا شمت=عن ناسٍ اتوارت العِتْمه
وانا الذي اخترت جملة صمت=ترفع جنابي عن الكِلْمه

كل مانحنى للمصافا حـال=واشتد جور الهـوى فينـا
قال الغضي من وساعة بال=لا فـرق الله خطاويـنـا
واستبسلت فالظروف آمال=ماتركن الياس فـي حينـا
حتى اودعت غاية العـذال=في المركب اللي بلا مينـا

غالي وقدرك على خبرك=مثل الجبل لو تجيه الريح
لاخس في ناظري قدرك=ولاشاهقات الجبال تطيح