ديوان الشاعر/ عبدالله عبد الرحمن نغيمش الفريدي

ايها القاري الكريم يسرني ان اقدم لك بعض من قصايد
الشاعر المميز / عبدالله عبد الرحمن الفريدي الذي يتميز شعره
با السلاسه والدقة والعفة والرصانه شاعر ليس بمكثر لكنه مجيد
للشعر محبا لجزيله بعيدا عن الهزل .

	المشاركة الأصلية كتبت بواسطة عبدالله الفريدي

	ياعالم" بالبيّنة والخوافي=تكتب لي التوبة قبل موعد الموت واعيش بطمئنان والسترضافي=اليوم وايضا يوم للدود بي قوت بكرة اذا استوطنت بعض الملافي=في ماقع" بالطول والعرض (تابوت) القاع فرشي والنثيلة لحافي=فوق اللحد مايازن الطن مكتوت قبل مشي دفّانتي بنصرافي=في ساعة في سبّع الارض مكفوت يرسل اثنين" ياخذون اعترافي=ياربي التثبيت في قول مثبوت وتفتح لي الجنة وتكرم مضافي=فالبرزخ المجهول ياسامع الصوت ياطول في ذاك المكان انجعافي=لازاير" يذكر وجيراني اسكوت غير العمل مالي خوي" مصافي=وحبل الرجاء في غير الإإله مبتوت عساه طيب وابيض الوجه وافي=ومن طابت اعماله هاك اليوم مبخوت نهار يبعث عاري الجلد 000 حافي=يوم الحساب اللي بالاهوال منعوت ان ماحسبنا احساب هاك الاوقافي=راحت علينا اعمارنا بالشقاء فوت

Quote=عبدالله الفريدي;686533]

ياعالم" بالبيّنة والخوافي=تكتب لي التوبة قبل موعد الموت
واعيش بطمئنان والسترضافي=اليوم وايضا يوم للدود بي قوت
بكرة اذا استوطنت بعض الملافي=في ماقع" بالطول والعرض (تابوت)
القاع فرشي والنثيلة لحافي=فوق اللحد مايازن الطن مكتوت
قبل مشي دفّانتي بنصرافي=في ساعة في سبّع الارض مكفوت
يرسل اثنين" ياخذون اعترافي=ياربي التثبيت في قول مثبوت
وتفتح لي الجنة وتكرم مضافي=فالبرزخ المجهول ياسامع الصوت
ياطول في ذاك المكان انجعافي=لازاير" يذكر وجيراني اسكوت
غير العمل مالي خوي" مصافي=وحبل الرجاء في غير الإإله مبتوت
عساه طيب وابيض الوجه وافي=ومن طابت اعماله هاك اليوم مبخوت
نهار يبعث عاري الجلد 000 حافي=يوم الحساب اللي بالاهوال منعوت
ان ماحسبنا احساب هاك الاوقافي=راحت علينا اعمارنا بالشقاء فوت

[/quote]

Quote=عبدالله الفريدي;574151]

اعانق خيالك شوق واشتاق لمحياك=لك القلب كله شوق يامنتهى احلامي
طراة الحياة ولذة العمر في لقياك=عسى الله يديمك لي مادامت ايامي
انا يوم اغيب استثقل الوقت واتمنّاك=تمر الدقائق يوم وايامي اعوامي
تغيب ويغيب الإنس والحس والإدراك=ولا استحضر إلا دمعة العين واقلامي
تقول الهواجيس إنس! وشلون كيف انساك؟=انا كيف ابا انسى بارد الماء وانا ظامي
شربت المحبة واتنفس غلا واهواك=تهب الصبا واشتاق مع عذب الانسامي
ازورك بجنح الليل واسكن معاك هناك=ولاعندي الاشبه صورة وهندامي
متى..ياعذابي من متى..كم لي اترجاك.=متى ألبس ثياب العيد وافطر من صيامي؟

الأُنس شَح اشوي .. والهم موجود=بشت الوناسه فيه قِصْر وقضافه
مار الأمل بالله مثني ومعقود=وبالقلب مجتمع الرجا والمخافه
اخاف معبود على حق معبود=وارجيه عفوه لو لحقني كلافه
ياسامع النجوى ويافارج الكود=بيديك هدات الشقا وانصرافه
انا بوجهك عن نحا كل مقرود=خطو الغثيث اللي يحب اللقافه
الزول كبر الفيل والفكر محدود=مع قلّة التوفيق خبث وصلافه
يوم الليال المقمرة بدلن سود=مع دورة الايام في قربه آفه
لو جاك ياقلبي غرابيل وألهود=لا تشتكي جور الزمن واختلافه
اصبر لعله تالي الصبر محمود=وارفع مقامك عن مقامٍ تعافه
وارفع يديك لراعي المد والجود=بخلاص ... واطلبه العفو والمرافه
يالّلّه انا بحماك عن كل منقود=وعن الطريق المستقيم انحرافه

العبرة اللي لنوم العين سراقه=مثل فراق الحبايب ليت افارقها
إن حولت من رموش العين حراقه =وإن استكنت ورى عيني تضايقها
نوم العرب لو سليت لعيني شفاقه=وليا تذكرت دمع العين غرقها
يالايمي كف لومك ما ابي إلحاقه=يا تلزم الصمت يا اكسكيوزمي سقها
شف حالي اللي براها البين وارقاقه=واسمع شهيق العباير يوم الا حقها
علي الذي مالي بنسيانهم طاقه=زينة حياتي ولذتها ورؤنقها
افراقهم ما يبيلي فوقه اغلاقه=يكفي بروحي يوردها مشانقها
آخذ مع الموت كتم انفاس وإيفاقه=خيالهم لا لثم روحي وعانقها
انا اشهد الروح شفقانه ومشتاقه=والاذن عن مايقولون العرب صقها

في حمى الرحمن ياللي مجافيني=ياعسى لوتقطع الوصل مصيونه
لوجفاني قرة العين مغليني=خابر قلبه بفرقاي وشلونه
فرقتنا سود الايام مبطيني=وا عذاب القلب ياما اكبر اغبونه
الرجا مقطوع من بينه وبيني =حالت الاقدار والحظ من دونه
ماخذيت اكفايتي منه بالعيني=ماحصل للشوف يشبع على هونه
مار له صورة بعيني اتكفيني=بين طرف العين والعين مركونه
وله خيال كل ما امسي يمسيني=فيه روحي كل ما امسيت مفتونه
مانسيت الزين لوتبطي اسنيني=سيرة اهل الحب وامشي بقانونه
من يخون الود ماهو على ديني=والله اني حافظ الود ما اخونه
سبلي يادمعتي لاتكنيني=لا متى وانتي ورى العين مكنونه
مابها منقود بين المحبيني=سنة" بفراق الاحباب مسنونه
خففي عني مصابي وسليني=لو مصاب الحال ماهوب ياهونه

[QUOTE=عبدالله الفريدي;538464]

بسم الله الرحمن الرحيم
تحية طيبة وبعد
هذه مجاراة لقصيدة اخي نافع الحربي والموجودة تحت الرابط التالي
http://www.alhroob.com/vb/showthread.php?t=48879
آمل ان تحوز على استحسانكم وتنال اعجابكم

ياهجوس الشعر بالقلب الشقاوي=نبضه الاحساس وهمومه رشوفه
من سنة تسعين والهاجوس كاوي=خافق" ماذاق بالدنيا مروفه
ياوجودي وجد من جذ الرجاوي=له ثلاث ايام بديار المخوفه
تاهت اقدامه عن اليمه خلاوي=بالظما والقيظ واسباع" تحوفه
وانكفى يبحث نبات" بالمطاوي=مايفارق مبسط الرجلين شوفه
منوتي ماورّده مصنع عراوي=دولته فيها عن اليابان نوفه
رجّت اليابان بسلاح النواوي=لين بن جابان مايقوى وقوفه
من مصانع جمس والصانع رهاوي=كمّله مافيه للشراي حوفه
مايبي ياغير بنزين" نقاوي=ماتوقف بالورش تازن بلوفه
لالمست البنص سلطان الجلاوي=يجذب الموال بالحان امعزوفه
وان مشيت اعصير والخط امتساوي=ماتشوف من الطريق الاّ كتوفه
وان تسند ماتحداه النزاوي=مايهمه لانفود ولا جروفه
وان تحدّر من رفاع الى مهاوي=كنه الطيّه من الطيّ امحذوفه
ماعليه الا الدريول والمخاوي=والميانه طايحة مابه كلوفه
بينهم ياماحلا زج الحداوي=باللحون اللي تنسيك الكسوفه
مع خثال ولا مشوا خد" سناوي=مع نبات الوسم وان كثرت صنوفه
غيرها ماني على الدنيا شفاوي=ماصفت قبلي لمن جمّع اولوفه

QUOTE ] عبدالله عبد الرحمن الريدي

عبدالله الفريدي;555371]

لك الحمد يالبارئ لك الشكر يامنان=لك أكفنا ترفع ثنا وانت راع الجود
وقيت الأمير الشهم من حيلة العدوان=وقيته وعافيته وكافيته البارود
عقب ماحفر له حفره الغادر الخوان=نجا والشرك وقع به الحاقد المقرود
تربط ابليس وجا امداوم عن الشيطان=ابو قرن يبي في قرونه يهد الطود
لو إن الجبان اصلاً مهو ند للشجعان=تعثر بثوبه من نظر سيفنا المجرود
عطاه الأمان وقال فكوا له البيبان=لعله صدوق بتوبته للصواب ايعود
ولكنّه امجهز بكتله من النيران=حملها مثل حال البعوضة مع النمرود
تحامل على روحه ولاهوب راع إحسان=بنفسه قتلها شر قتله فعل مقصود
ينفذ وصايا افكار ضحله وضعف إيمان=سرطان في جسم البلد شرهم محشود
لهم شرع ماهو حق ماسنه الرحمن=هلاك النفوس وقتل الأنفس بغير احدود
مع انه محرم فيه نصٍ من القرآن=مصيره جهنم حيث يكتب له الخلود
على العز يامحمد على العز ياكحيلان=على العز يأميرٍ رقى بالأمن سنود
يسجل لك التاريخ في صفحة الزمان=بتطوير الأمن ووقفة الجد والصمود
بوجه الوجيه الباغية طغمة الطغيان=تقص اليدين العابثة والنوايا السود
قيادي كفو بالأبن والأب والاخوان=دروع الوطن عز المواطن عيال العود
شعرت بسعادة يوم انا اتابع البيان=من الكلمة اللي قالها والملك موجود
يقول اطمئن ياسيدي فالعدو منهان=تطاير على سبعين قطعة قليل الفود
خذوا منه عبرة ياهل الزيغ والنكران=خذوا منه عبرة ياهل البغي والجحود
وابا ارفع ايديني واطلب الواحد المنان=يعز الوطن وإيعز حكامه آل سعود

لاواهني الطير في سماه=الارض ارضه والسما سماه
ان حط فوق الغصن ملك اجداده=والى نوى المطير في هواه
ماقدمه حدود ترد رحاله=ولاله ولي أمرٌ سوى مولاه
والرزق متكفل به اللي جابه=من حيث مايمسي لقا عشاه
تضرب به الامثال فالتوكل=وهذي أحد ركائز الغناه
واعلى مكانه للبشر يبلغها=واعظم جزى بالاخرة يلقاه
أجر الشهيد اللي يقدم روحه=ثمن لجنة ربي ورضاه
روحه تعلق في حواصل طائر=بالعرش ماتحسب له الوفاه
الطير لو هو كائن مستحقر=الله .. بأعظم نعمةٍ حباه
يقضي نهاره في حلاوة يومه=ويرقد على التسبيح والصلاه
ولاشق نور الفجر قام يغرد=يومه بتسبيح الكريم ابداه
ماله هموم ولا يشيل أمانه=وابليس خلفه مايحث اخطاه
ياليتني مثله وامد اجناحي=وامد شوفي واسبح بفضاه
هذي مناوي والمناوي واجد=ولاكل رجال يجيب مناه
لو المناوي حيلة المتعاجز=يلقا بها عن ما عجز مسلاه
والمؤمن الكيّس فطين وحاذق=ويعمل ليومٍ كلنا عراه
وصلى الله وسلم على رسوله=ازكى صلاة للنبي مهداه
اعداد ماصلى عليه مصلي=واعداد ماينسى نبيّه لاه

البيت ماينقبل من دون سكانه=ياوين سكانه اللي ذي مداهلها
من عقبهم كل ما فكيت بيبانه=كن الشياطين تفتح لي واقابلها
النفس طابت من المنزل ومسكانه=باركانه الموحشة غول" ايغولها
اشوف ذكرى الحبايب بين جدرانه=ياشفتها غرقت عيني بلايلها
ترقرقت دمعتي بالعين حيرانه=ازريت لا اكنهّا وازريت اسبّلها
كني غريب تغرب خارج اوطانه=مع عالم بالإشارة في تعاملها
ياقلبي اللي سقاه الوقت حرمانه=الله يعينك على الشدة تحمّلها
لابدها دورة الايام زينانه=وانشوف ناس عليّ اقلوبها ولها
يالله ياخالق" عبدك ومزبانه=طالبك خفف على روحي مشاكلها