كن الشباب وشايب القوم غيرنا

	المشاركة الأصلية كتبت بواسطة البارق الوسمي

	اليوم اشوف الوقت عقّد حواجبـه=قامت اسهومه بالظهـور اتصيـب كم واحدٍ يمشي على غير ما يبـي=من ظلم الأدنى صاحـب الغريـب اخوي الكبير والشاعر الكبير 0 ابو بـدر صح لسانك مليوون ولا يكفون هكذا هم الكباار وتلك مايكتبون الحقيقه التي لامناص منها 0 وعندما نقرأها نشعر به ونحس انها كتبت من مشاعرنا ومن ما نشعر به نحن المتلقين بيض الله وجهك عدد حروفها واكثر تحيتي

الأخ العزيز : البارق الوسمي
هلابك وصح بدنك ولاعليك زود يابن العم
لقد شرفني وسرني حضورك لاهنت
لك فائق احترامي

	المشاركة الأصلية كتبت بواسطة نافع الحربي

	كنا الشباب وشايب القوم غيرنا كنا الشباب وشايب القوم غيرنا = ولابد من بعد الشباب نشيب نقطف من الدنيا البهيّة أورودها = في ضل غصنٍ بالحياة رطيب واليوم شبنا والهقاوي تكودنا = أصبح علينا ما نبيه صعيب أنكرت دارٍ عقب أهلها تغيّرت = للبوم بأطراف الرسوم نحيب دارٍ لحيٍّ من وطنهم ترحّلوا = كانوا بها بعض الزمان قريب وقفت فيها لين جفّت عبايري = حتى أقبلت شمس النهار تغيب أقيس بالواقع سنينٍ تصرّمت = على سكونٍ بالخيال رهيب كناّ بها نرقد لياروّح الدبش = بليلٍ نسيمه للرقود يطيب في ليلةٍ ظلما ضياها نجومها = والجدي فوق الفرقدين رقيب واليا ألذن المذّن هجرنا منامنا = كلن على حيا الصلاة أيجيب كلامنا أحلا من المصفّأ من العسل = عليه من در البكار حليب وقلوبنا أصفا من سحابٍ تزبّر = بعد الأصيل مكلّلٍ عجيب شرق السراة وغرب من نجد الانجد = عليه من شمس العصير نصيب يامن بنا عن مذهب السّوّ جارنا = لوجارنا طول الزمان ايغيب وجاراتنا نقصر هوا الطرف دونهن = سلمٍ لهلنا من قديم عريب نحفظ مواجيب ألوفا لهل ألوفا = يوم الردي بالواجبات أيخيب يسوقنا وجه النداء لهل النداء = ناخذ ونعطي والكريم يجيب اليوم اشوف الوقت عقّد حواجبه = قامت اسهومه بالظهور اتصيب كم واحدٍ يمشي على غير ما يبي = من ظلم الأدنى صاحب الغريب ومن لا تراعي قدر الاجواد شيمته = ما له بتقدير الرجال نصيب تمّت وها جوس الروابع يسوقها = سوق الفراق لمفردات حبيب هذا وصلاتي مع سلامي على النبي = ما سال من وقع السحاب شعيب

نافع الحربي

انت شاعر بدرجة امتياز

صح قلبك على هالهلاليه الرااائعه

بحق استمتعت بها

وهذا الطرق لا يجيده الا الكبار يا نافع وانت احدهم

تقديري

	المشاركة الأصلية كتبت بواسطة فهد بن عيد

	نافع الحربي انت شاعر بدرجة امتياز صح قلبك على هالهلاليه الرااائعه بحق استمتعت بها وهذا الطرق لا يجيده الا الكبار يا نافع وانت احدهم تقديري

فهد عيد
هلابك وصح بدنك ولاعليك زود
لقد شرفني وسرني حضورك لاهنت
لك فائق احترامي