ديوان الشاعر ( حفيد الحجيري )

يا مداعب الحرف من فضلك=ابـــدع وأطـــرب مسامـعـنـا
ادعج حروف الهجـا بكحلـك=حتـى يجـي للحكـي معـنـا

يآآآرب صباحك صباح الخير=يـعـمّ كــلّ الشقـاويّـه
يتبـدل العسـر بالتيسـيـر=يـآآآرب تحقـق أمانـيّـه

حـفـيـد الحـجـيـري=
سـلام لأستاذنـا سالم=مخصوص ويعمّ من يقـراه
إن كان حرفـك لنـا والـم=هيّا نسوق المثل في سـراه
سـالــم الـبـشــري=
ترحيـب للشاعـر الفاهـم=أسعـد بشـرواه واتحـراه
وحرفي موّلم معـي دايـم=خل المثـل يتخـذ مجـراه
حـفـيـد الحـجـيـري=
دام البقـا وربنـا عـالـم=اللي فقلبـي لكـم نكنـاه
ودام الوفـا بيننـا قـايـم=بأوصفلك الدا ومنـك دواه
سـالــم الـبـشــري =
أمر الوفا منتهـي حاسـم=ساسه مثبت قـويّ ابنـاه
وانا معك باقضـي الـلازم=لاجاني العلم مـن مبـداه
حـفـيـد الحـجـيـري=
هل كل مظلـوم لـه ظالـم=أم بعضهم تظلمـه يمنـاه
واللي نزل فالبحـر سالـم=أم ينحسب من ضحايا مـاه
سـالــم الـبـشــري =
الـذات تظلـم بـنـي آدم=ويُظلم من الغير حتى عضاه
وياكم لبث في بحر عاتـم=يونس ورب العباد انجـاه
حـفـيـد الحـجـيـري=
ياكم زرعنـا الأمـل ياكـم=من دمع الأعيان أسقينـاه
لم ينفذ الصبر يومـا لـم=لكن جور الزمـان أفحـاه
سـالــم الـبـشــري=
جوّد حبال الصبـر واهتـم=بالزرع حتى الثمر تجنـاه
اسعى وربك يزيـل الهـم=مادام فرح الزمن والجـاه

قبل أكتب الحرف يكتبني=وتـونّ الأوراق ممّابـي
الحبر لو جفّ يطلبنـي=وأسعفه من دمع الأهدابي

حفيد الحجيري=
خلاص قفلتها بالشيش=أنهيتها بـأول الجولـه
لا عاد تسأل لم أو ليش=سؤالكم صمتنا حلولـه
بخيتان البشري=
خالفت مع نقطة التفتيـش=والعسكـري يقـول معقولـه
قلت الحجيري وقايد جيش=وحررتـهـا عـنـد مـسـؤلـه

يا صاح الأيام مجنونـه=ولا بد ما تدور دورتهـا
ويخرجلك البحر مكنونه=ويعكسلك الموج صورتها

حفيد الحجيري=
وليف،، يا راهياً .. جمّك=جاكم .. وصلكم .. ولد عمي
ظنّي ، مشى وجهته .. يمّك=عسا .. لقا أصحابنا .. تمي
وليف الشوق=
ابشر ،، بعزك .. ولايهمـك=واجب ..بالارحام .. نهتمي
وانته ، تطمّن ..وصل علمك=للكل .. من غير .. ماسمي

يالـلـي تسلـلـت لا قـلـبـي=وحجزت كرسي بـأول صـف
لا تزيـد بـي همـي وغلبـي=بأعطيك نصفه وأخلي نصف

على ايش يـا قلـب نتفاهـم؟؟=ماني مطاوعـك فيمـا تقـول
نسيـان مـا ظنـي أنسـاهـم=إلا السنه تصير خمس فصول!!!

حـفـيـد الحـجـيـري=
يا سـادة القيـل والكسـره=يا من على النايفـه ترقـون
هل يجبر القلب في كسره؟؟؟=وشلون ياصحابنا وشلـون
ابـــــو زيــــــاد =
ياسيد القيـل فـي عصـره=لاهنت واللي سمع مايهـون
ماينجبر قلـب مـن حسـره=ألا إذا .. ينجبـر قـانـون
حـفـيـد الحـجـيـري=
افدتـنـا افــادةٍ عـسـره=زودّت غبن الـذي مغبـون
من جرف يعني الـى حفـره=وآنا الذي كنت أريد العون !!
ابـــــو زيــــــاد=
حنـا بنينـا علـى النشـره=ما نكون أشياء قبـل تكـون
والعبد يؤجر علـى صبـره=اليا احتسب عند رب الكـون
حـفـيـد الحـجـيـري=
ما لـوم سعيـك ولا يُكـره=أبديت حسب الذي مضمـون
لـوّ للأمـل خرمـة الإبـره=ما كنت بحت الذي مكنـون
ابـــــو زيــــــاد=
المجتهـد نلتمـس عــذره=دامه على جهـدها مامـون
ولا نعترض راعـي القـدره=خلاقها بيـن كـاف ونـون
حـفـيـد الحـجـيـري=
الجهد واضـح علـى فكـره=لعلـكـم للـوفـا تبـقـون
والصبر لوهو كما الصبـره=مثل العفو حيلة المسجـون
اليوم عقبـه يجـي بكـره=يبعث لنا بعض أمل مدفـون
كل كسر عند الولـي جبـره=بأمره جروح البشر يبـرون