أقْربّ شــــــــاعر جَزِل.....يتفضل !!

نسقي المحاوره ياغربه وترحال

وغافل الهم ماله حق الرد اثناء او بعد المحاوره

غربة وترحال=
ياليل ..ياليـل ..ياليلـي =اسهر وعيني جفاها النوم
وياويل ..يا ويل ..ياويلي=من ود وسط الحشا مكتوم
الاشعل=
ياللي تشيل المواويلـي=وعيا عليك المنام يحوم
عجل بشرح التفاصيلي=تاخذ افادة عقيد القـوم
غربة وترحال=
وصلت معايه مواصيلـي=والحال زايد على المحروم
والود ياليـت صاحيلـي=بالعكس زاد العنا واللـوم
الاشعل=
كم ودنـا نعّـدل الميلـي=يالصاحب اللي شكيت هموم
والمشكله جيت تشكي لـي=دون التقاريـر يازيـزوم
غربة وترحال=
العشق كم هد لي حيلي=صويبه بسهمه المسموم
لاقلت يامهجتي ميلـي=القى سماهم تعج غيوم
الاشعل=
الـود جُلّـه بهاذيـلـي=ولا اقول فيه الأمل معدوم
وانته عن الدرب لاتحيلي=اصبر وخلك شديد عزوم
غربة وترحال=
مات الامل كيف يضويلي=لاصار فيني الشقا محتوم
رفعت بالصوت تصويلي=واقلبي اللي غدا مصدوم
الاشعل=
فالشـرح ماودنـا نطيـلـي=صبرك وصبرك على المقسوم
عسـى اليـال المقابيـلـي=غربه وترحال غيـر اليـوم

بيان الصمت
عبوووووووود
علي بن عيد
لكم جزيل الشكر لمروركم العطر
من القلب اشكركم

اخي الكريم رديت لان المشتكى موجه للجميع