حالةٍ يرثالها

بعض العرب لكثرت همومه رسى مثل الجبـل = خـابـر هـبـوب الارض ماتـقـدر تـهـز جبـالـهـا
والبعـض الآخـر كـل ماقبلـت هواجيسـه قـبـل = فـي منهجـه ماهو صحيح (الخيـل مـن خيّالهـا)
اتقرّبـه نغمـه مــن أنـغـام المـعـازف والطـبـل = وتـبـعّــده وقــفــه لـيـابـانـت تـبـيــن رجـالــهــا
بالله يـاهـل المعـرفـه هــذا بـطــل والا خـبــل؟ = ألا خـبــل واكـبــر سـفـيـه وحـالـتــه يـرثـالـهـا
اضـرب مـثـل واجــدد الكلـمـه واكـررهـا دبــل = عسـى القـلـوب النايـمـه تستيـقـظ وتصحالـهـا
شفت الصفوف اللي مع الشيله تصيح وتنهبل = وان سمعـت الـمـوال والشيـلـه يـزيـد هبالـهـا
تعطيـك نبـذه عـن حيـاةٍ ماذكـروهـا مــن قـبـل = بـئـس الحـيـاه الـلـي ثعالبـهـا تهـيـن اشبالـهـا
والفتنـه اللـي مـن مصايبـهـا يضيـقـن السـبـل = تـبـا تصـيـر وقـولـوا ان ابــن سـعـد ماقـالـهـا

صح لسانك يابعيد السجه قصيده جزله بارك الله فيك وتقبل تحياتي

صح لسانك وبيض الله وجهك


قصيدة جزلة من رأس جزل

صح لسانك مليون على القصيده
والله يعطيك العافيه
بيض الله وجهك

هذي لك اول مشاركه
اخي بعيد السجه
الا يجب عليك قولت السلام عليكم ورحمة الله وبركاته
بما انك لا يخفاك تنسيق القصيده اكيد انك عندك
خلفيه طيبه وشاركت النشاما بغض النظر عن ما تحتوي

المشاركه حسب رايي ويجوز اكون مخطي

صحة ابدانكم جميعا" يالربع وبيض الله وجيهكم الله لايهينكم

	المشاركة الأصلية كتبت بواسطة عبدالله عتيق الحنيني

	هذي لك اول مشاركه اخي بعيد السجه الا يجب عليك قولت السلام عليكم ورحمة الله وبركاته بما انك لا يخفاك تنسيق القصيده اكيد انك عندك خلفيه طيبه وشاركت النشاما بغض النظر عن ما تحتوي المشاركه حسب رايي ويجوز اكون مخطي

الأخ/ عبدالله الحنيني

أولاً : أسمحلي على التأخير لأني والله توي أشوف مشاركتك هذي .

ثانياً : بالنسبه للسلام سالفة اللي يقول (فاتت ياونيان) ولا أحد معصوم من الخطأ الله يجزاك خير .

ثالثاً : التنسيق مايعمل عندي وقلتها عشرين مره .

رابعاً : إذا القصيدة هذي ماجازتلك أحذفها وصحة راسك يابن العم .

عبدالعزيز المخلفي

علمك غانم وكلامك

طيب وانت اطيب

لاعدمناك واشكرك على رحابت صدرك

تحياتي

ماعليك زود يالحنيني الله لا يهينك

صح لسانك ياعبدالعزيز المخلفي

قصيدة جزله من راس جزل