.. ديوآن الشآعر الـ ع ـبيدي ..

العبيدي=
دآمك على الخط متوآجد=ركز معي واسمع المنقـآل
كلآم بعض العرب وآجد=وان جيتهم جآوبوك جدآل
بخيتآن البشري=
دايم وفالصدر انـا آجـد=هات الذي في ضميرك جال
اللـي يبينـا لنـا ياجـد=ولاني مكلف بكل من قـال
العبيدي=
هيآ استمع مطلع الـوآرد=واوزن كلامك على مكيآل
اللي درسله (نحـو) فآقـد=ضميره المنفصل .. والحآل!؟
بخيتان البشري=
وآردك ماشفت لـه عايـد=ما اصرف جنيهي فسد ريال
رفع الخبـر مفـردُه راقـد=صارت علومه عراض طوال
العبيدي=
يحكيبهآ وآقف وقآعـد=مسكين يآمتآبع الآقوآل
اصبح بعد مآنزلم هآجد=يطرد على خطه الآهوآل
بخيتان البشري=
بعض الحكي ماحوى فايد=مكنونها والرجال افعـال
والجيش يحتاج له قايـد=تخطيط عنده وسيع البال
العبيدي=
لاصآر للمقفيـه شـآرد=ولجل الموآقيف حط وشآل
كيف امنعه والعقل بـآرد=لآجيت شريه يجينـي لآل
بخيتان البشري=
مادام لعبـه معـك شاهـد=وكل ماعدلت الحمل به مال
سـدد ولكـن لاتبـاعـد=وكيلين وفه لا جاء يكتـال

الــعــبـــيـــدي =
سـلآم رده مـع الآلحـآن=يآقآبـل اشتقـت للحآنـك
ابغآك معيه طليـق لسـآن=اللي فقلبـك علـى لسآنـك
قـابــل الـبـشــري =
ترحيب وافي وشانه شـان=مخصوص كله على شانـك
الله يعينـك علـى البيبـان=مـادام فكـيـت بيبـانـك
الــعــبـــيـــدي =
عسى البقـى دوم يآفنـآن=يآمتّـبـع درب فـنـآنـك
هيآ استمع بآقـي القيفـآن=لايبعـدك علـم قيفـآنـك
قـابــل الـبـشــري =
ياجيدالـخـال والعـمـان=امسـك خوالـك وعمانـك
وانا معـك مصغـي الاذان=وللرد اصغي لـي اذانـك
الــعــبـــيـــدي =
عن مآمضى اوزن النيشآن=لايقربـك شـر نيشـآنـك
بنشدك عن قلب حب وخآن=وشهو دوآه اللذي خآنـك؟
قـابــل الـبـشــري =
سم وتعوذ مـن الشيطـان=واتفل بليسـك وشيطانـك
ومن خان عهد الموده هان=لاتتبعـه بعـد ماهـانـك
الــعــبـــيـــدي =
قلبي معه فالحشـآ نيـرآن=وجيت انت شبيت نيرآنـك
يتبع سرآب الآمل ضميـآن=واخآف تتركـه ضميآنـك
قـابــل الـبـشــري =
تظمى بعد جاتلك جنحـان=ونفشت ريشـك وجنحانـك
واصبحت في مرتبة ربـان=ماعـاد تحتـاج ربـانـك
الــعــبـــيـــدي =
الوضـع لاتقلبـه لجنـآن=ويزيدبـك قآفـك جنآنـك
مآدآمنآ فالطريـق اخـوآن=ملزوم شورك على اخوآنك
قـابــل الـبـشــري =
ياطيب الاصـل والاقـران=ياحر زايـد عـن اقرانـك
لاتقابل الطيـب بالنكـران=وتبدي جحـودك ونكرانـك
مدي على شوفـة الاعيـان=ماينّكـر شوفـه اعيـانـك
ومن هو يراهن عليك رهان=عليـه لاتخسـر رهانـك

القريشي الثآني=
القافيـه حرفهـا مفتـوح=ماني قافلها على محـاور
حتى استطيع اشتكي وابوح=وافـوز بالـراي فالاخـر
العبيدي=
لك حرف ريح العبير يفوح=محسوب في جودته فآخـر
واللي لفى دآرنآ مآيـروح=بعد الوفآء يآعرب خآسـر
القريشي الثآني=
ردك منه خاطري مشروح=ياسلالة المعـدن النـادر
للدار جيت وكسبت ربوح=رغم الذي كن فالخاطـر
العبيدي=
دآمك من اهل الوفى مسموح=لك الطلب .. يآلعضيد آمر
ظني على الخآطـر المجـروح=رآعيه عن كشفـه يكآبـر
القريشي الثآني=
إسمع سؤال المثل مطروح=وإعطيني الراي ياشاعـر
يرضيك بحري سفينة نوح=على شراع الزراء شامر
العبيدي=
انآ معك فالطريق وضوح=مصغي لك البآل يآنآصر
ويبقى البحر للسفينه روح=فالزآريه طرف مآنآظـر

يآحب .. فيك الوفآء طعنآت=لو زدتهآ الـروح مآعيّـت
دآم الآمل في ودآدي مـآت=حرآم ضرب الحشآ ميّـت

العبيدي=
دآريتهآ خوفي الزله=مع كل هذآ خطيت الوصف
كيف .. اللذي ضيع القبله=عوّد معآيه في نفس الصف
مآهر ابو خآلد=
العرف تقدر علـى حملـه=ومثلك نعده من اهل الصرف
والتايـه المـرء لا دلــه=يقبل الـراس قبـل الكـف

ذكرى .. هوى قلب متلهف=العين احدى ضحآيآهآ
كلمآ مشت للآمل وقف=حتى اختلف سير ممشآهآ

العبيدي=
حآكمتهآ والعبآد شهـود=لجل انهآ .. (غلطة الشآطر)
دآم الوفآء بيننآ موجـود=بالعون مآيروح يآنآصـر
نآصر الحجوري=
مادام وردوا شهود عـدود=غلطه وماهو لهـا ناكـر
والجود قالوا من الموجود=وموجودي اشكرك واشاطر

أبومديده=
مافاتنا يعتبـر ماضـي=واليوم نعمل لهذا اليـوم
نبغى رزين المثل ياضي=في تاج حولُه ثلاث نجوم
العبيدي=
الكل عن موقفه رآضـي=وانآ معك يالعضيد احـوم
والعلم مآيروح .. فالفآضي=مآدآم تآجه لبسـه قـروم
أبومديده=
الأن ياحضـرة القـاضـي=جيت أشتكي لك وأنا مظلوم
لي ود بالحيـل مغتاضـي=إليّا هنّا لـي لذيـذ النـوم
العبيدي=
يآنور فالنآيفه تآضـي=يآقلب بالوآفيه مختـوم
قدآم لآقدم الفآضـي=عطني على مآبنيت علوم
أبومديده=
لُه قدر مافيه معواضـي=مغليه بالمنصب المحشوم
لكِّـن همُّـه تغرّاضـي=كنُه بفعل الآسى ملـزوم
العبيدي=
مآلك على وده اعرآضي=دآم الصبر حكمه المهموم
بلكي تولـوه حرآضـي=خلوه عكس الطريق يسوم
أبومديده=
صبري لُه إلزام وإفراضـي=لو جات حول الغيوم غيوم
المُشكله بُغض وأبغاضـي=وما ينوجِّد بُغض مِن معدوم
العبيدي=
لآتبتعد حيل وتقآضـي=وتقعد على حآلتك وتقوم
خلك من الود معتآضـي=لجل ان حربه عليك سلوم

كل(ن) على مآكتب .. رآضي = الآ انت فكتآبتك .. مغرور
مآنتبعه هرجك .. الفآضي = دآمك بهرج القفآ .. مشهور

لايآهوى القلب وينك فيـه=بعدك .. وبعد السعآده طآل
ان كآن عندك جوآبـي ليـه=كل يوم واحنآ على ذا الحآل