ديوان الشاعر(بخيتان البشري)

بخيتان=
عن الذي فالهوى جانـي=احكم على الفرض و السنة
اللي سرق قلب من ثانـي=فالنـار أو يدخـل الجنـة
حرب=
للغيب علاّم رحمانـي=اللي له الفضل والمنّه
لكن تفاهم مع الجاني=سارق فؤاد الشقي منّه

يمين وإلا نلف يسـار=وإلا تبى نروح طوالي
أختار " حدد " ولاتحتار=مافرُقكْ لو للخلا الخالي

نحـتـاج صــورة نبـروزهـا=على 00جدار 00 الزمن ((ذكرى))
عـن ((واقـع ))اليـوم نرسمهـا=لأجيال00 تأتي00 بعدها أُخـرى

بخيتان =
إن كنت مآخذ على خاطرك =بآخذ على خاطري منك
في كل حاجة أبى اشاطرك = اليوم ماعني وعنّك
سالم=
شاعر محنك وانا خابرك=يستطرب الكل من فنّـك
ومادام جيتك أبا احاورك=ياجنّي اليـوم ياجنّـك
بخيتان =
اطربك حرفي ولا شاورك=سيّد على الحرف ما منّك
افرح ليّا جيت واسايرك=شاعر وظنّي على ظنّـك
سالم=
ماودي آخذك من قاصرك=ماريد أدبّل على صنّك
أبعرف اللي معك قاهرك=قني تعرفه كما قنّك
بخيتان =
حضّرت من غير ما ادورك=ماهمني ما يهمنّك
يقول حولك معي ناظرك = كنه معي مثل ماكنّك
سالم=
الله عسى يبتسم حاضرك=والقادم يزين لكنّك
حرّص من السيل لايحاصرك=وانته على خبري محنّك
بخيتان=
عسى السعد دايمً غامرك = وطيب الأيام يغشنّك
مالي عُذر وانت من عاذرك=ماتحرق اللأزمة بنّك
سالم=
لو كادري غير عن كادرك=اضحك ليا من ضحك سنّك
فاللازمه اجيك واناصـرك=بالحق وارتاح من زنّـك

ابحرت فعيونك اثنتين =وامعنت فيها النظر ساعة
وقريت فيها وداد اثنين =تحكي عن قلوب ملتاعة

بعض المعزات ماتنقص = ولآ يجي دونها تحريك
واللي يبى يهزها ينقص = وفنزولها يوم لا يطريك

واقع حياة البشر خبـره=محصول ناتج تجاربهـم
ناخذ من دروسها عبره=و لا الكل تهنئ مشاربهم

فترة نقاهة مع استجمام = نحتاجها وين مانت تريد
نسعد وتنسى بها الأوهام =يمكن معك فالعلاج تفيد

ودي قلم والحبـر دمـي=كتب رسالة ورقها الشوق
بالحب وقعتهـا بأسمـي=فيها الغلا والوله يـاذوق

أرعد يمن 0 لآح برقه شام=ومخِيلته بين شرق وغرب
كلٍ يخيـلْ لهـا مـا نـام=ويقول مِنـا بـدت تقـرب