ديوان الشاعر ( القلب ألآبيض )

القلب الابيض=
سلام مثل العسل مجنـاه=من ضيف عابر سبيل ومر
ينصى رجال الكرم والجاه=والقلب لاشافهـم ينسـر
خالداللهيبي =
مثل المطر لاتهامل ماه=ترحيب للضيف ومقـدّر
باللي علينا السلام اقراه=ونفرح على شوفته اكثر
القلب الابيض=
البيت مازال في مبنـاه=وفي طبع شيابنا نفخـر
فيك البقى عد ماشفنـاه=وعداد وبل المطر مامطر
لي صاحبا عندكم طرياه=قالو محاضر على المبر
يوم الغى بيننـا ويـاه=يوم المنى ذك لي واجدر
خالداللهيبي =
تسلم وهذا الذي نبغـاه=ياللي على الطيبه تقدر
وافي ومد الوفا مبـداه=ومجود الساس والمخبر
صاحبك دور عنه تلقاه=وانته تعرفه وفيه اخّبر
والعلم حنا معك نبـراه=ونبذل معه قد مانقـدر
القلب الابيض=
يم المناعير لي مشهـاه=شرواك يا طيب المظهر
والرجل لازم يسج أخطاه=من مثلكم يكسب العنبر
خالداللهيبي =
عاداتنا الضيف مانشناه=والطيب بين العرب يذكر
ترحيب منا بعد ملفـاه=والقلب عن فرحته عبّر

اتعبت حالي وسدي بـاح=صبري نفذ والامل موجود
اقول يمكن يجي وارتـاح=وتزول ذيك الليال السـود

الطيب بين الرجال اوسام=مع صاحبه مثل نور الشمس
يلقاه من وخره قدام=في يوم منحوس يجلى العمس
محمد سعد اليوبي=
يا أبيض القلب ياضرغام=ياللي لفيت المكانه أمس
راعي وفاء ياعميل العام=وأبصم على كلمتي بالخمس

القلب الابيض=
في ملتقى حرب بين الناس=لقيت من هو يسد الدين
في مجلس مجودين الساس=ما اقول قالو بشوف العين
قابل البشري=
حييت ياصقر ياقرناس=وافي وقابلت لك وافين
في ملتقى العزوالنوماس=حنا بشرواك كسبانين
الكحيله=
يامرحبا فيك با النبراس =في ملتقى حرب فيك اهلين
اهلاً هلا يا عريب الساس = نوفيك ترحيب به وافين
القلب الابيض=
حساس ذا الملتقى حساس=مافيه مثله نلاقي وين
ياحرب يارافعين الراس=جيران ولجاركم مغلين

العين عافت لذيذ النوم=شهرين وكسور وزياده
وأنا أنتظر لو يجيني يوم=هذا منى القلب ومراده

الله خلقنا رفيع الشان=وأحسن صورنا إلاهيه
حلفت ماناخذ الغزلان=إن كان ماهى سعوديه

الصاحب اللى ملك نصفين=من كل حالي وجداني
واليوم قفى بشوف العين=طايح على الارض خلاني

القلب الابيض=
كيف البصيره مع الجافي = اللى تغير بدون اسبـاب
في مامضى الحال متصافي = واليوم عنا يصك البـاب
خالداللهيبي=
مد الوفـا عـادة الوافـي = ومن قدم الطيبه ماخـاب
انشد وتلقى عـذر كافـي = منهم00وليش الموافا غاب
القلب الابيض=
نبدي على كل مشرافـي = وتهون من اجله الاصعابش
حتى يبين لنـا الخافـي =وفي حشمته نلفي الشياب

الريم شفته بوسط الحوش=وشفت الذيابه تناظرها
خايف عليها من أبو دوش=يا الله يارب تسترها

القلب الابيض=
مشكور يا بحر يا كسرات=من مثلكم نستفيد وزود
المعذره باالذي قد فات=يا اللى تقود المعانى قود
بحر الكسره=
اسقيتني بالوفى جرعات = من طيب اصلك لقيت الجود
تسلم ونرفع لك الرايات = والجود قالو من الموجود